2017 jyldyń ortasyna qaraı qazaqstandyq avtokólikter 4−6,5% qymbattaýy múmkin. Bul týraly Qazaqstandyq avtobıznes qaýymdastyǵy basshysy Andreı Lavrentev málimdedi, dep habarlaıdy Kapital.kz.
Oǵan sebep qańtardan bastap otandyq avtoóndirýshilerge berilgen qosymsha qun salyǵyna berilgen jeńildiktiń alynyp tastalýy.
«2010 jyly ónerkásiptik qurastyrý týraly jasasqan kelisimshart kezinde biz 2017 jyly da bul jeńildiktiń jalǵasatynyna úmittengen edik. Degenmen DSU-ǵa kirgennen keıin Qazaqstan uıymnyń ózindik talaptaryn oryndaýǵa májbúr boldy. Tek avtokólik emes, elde shyǵarylatyn barlyq taýarlarǵa álgindeı jeńildik jasaý dúnıejúzilik saýda uıymy talabynyń saqtalmaǵany bolyp esepteledi. Nátıjesinde biz otanlyq avtokólik óndirýshilerge beriletin jeńildikti uzartýǵa shamamyz jetpegenimen, úkimettik deńgeıde jańa sharalar qabyldaýdy qarastyrdyq. Endi qosymsha qun salyǵy jeńildiginiń ornyna jeńildetilgen nesıe boıynsha qosymsha transh beriledi. Bul 2017-2018 jyldarǵa belgilengen," - deıdi Andreı Lavrentev.
Qazaqstanda jasalǵan kólikterdiń qanshalyqty qymbattaıtyny bıyl ekinshi nemese úshinshi maýsymda belgili bolmaq.
«1 qańtardan bastap barlyǵy baǵany kóterip jiberedi dep aıta almaımyz. О́ıtkeni úkimettik shart boıynsha, 2016 jyly QQS jeńildigi bıoynsha ákelingen kólikter bıyl sol jeńildikpen satylady. Iаǵnı bıylǵa deıin elge kirgizilgen kólikterdiń jeńildigi kúshin joımaıdy", - deıdi qaýymdastyq basshysy.
Degenmen, qaýymdastyq basshysy otandyq kólikterdiń qymbattaýy oǵan degen suranysty azaıtpaıtynyna senimdi.
«Baǵa aqyryndap óse beredi. Meniń oıymsha eń kóp degende 6,5% qymbattaýy múmkin. Soǵan qaramastan, bizdiń kólikter naryqta básekege qabilettiligin joǵaltpaıdy. О́ıtkeni kólik saýdasynyń 70 paıyzy otandyq ónimderge tıesili", - deıdi.