Qys mezgilinde qala joldaryn kútip ustaýǵa jergilikti atqarýshy bılik 910 mln. teńge bóldi. Bul týraly «Aqtóbe aqparat» ortalyǵynda ótken baspasóz maslıhatynda qala ákiminiń orynbasary Naǵymjan Aldııarov məlimdedi, dep jazady QazAqparat.
- Bıyl qysqy kezeńde joldardy kútip ustaý úshin qala bıýdjetinen 910 mln. teńge bólinip jáne barlyǵy 14 arnaıy merdiger, 260 birlik tehnıka jumyldyryldy. Merdigerler qysqa daıyndyq kezinde joldarda kóktaıǵaq bolmaý maqsatynda 1500 tonna qum aralas tuz jáne 500 tonna tuz materıaldary daıyndap, olar osy ýaqytta sebilýde. Qar shyǵarý jáne de qala aýmaǵyn qoqystan, jaıaý júrginshi jolyn tazartý jumystary júrgizilýde, - dedi Naǵymjan Aldııarov.
Qazir qaladaǵy 30-dan astam kóshe tazartylǵan. Qar shyǵarý jumystary sý tasqynyna qarsy sharalardyń eń basty baǵyty bolǵandyqtan, qatań baqylaýǵa alynǵan. Qys mezgiliniń basynan beri qala kóshelerinen 120000 tekshe metrden astam qar qala polıgondaryna shyǵaryldy. Sonymen qatar, qala ákimi apparatynyń, memlekettik mekemelerdiń jáne kásiporyndardyń jaýapty qyzmetkerlerinen quralǵan mobıldik top jumys jasaýda.