S. Toraıǵyrov atyndaǵy Pavlodar memlekettik ýnıversıtetiniń stýdentteri «Students Winter Game Challenge» estafetasyn bastap, barlyq qazaqstandyq joǵarǵy oqý oryndaryn qatysýǵa shaqyrdy, dep habarlaıdy ýnıversıtettiń baspasóz qyzmeti.
- Estafetanyń sharty - ulttyq oıyndar negizinde jańa qysqy oıyndy oılap tabý. Bizdiń stýdentter «Konkıde qyz qýý» oıynyn muz ústinde kórsetti. Oǵan 20 stýdent qatysty. Basqalary «konkıde teńge alý» nemese «Snoýbordpen báıge» syndy jańa oıyn túrlerin kórsete alady. Qazaqstannyń barlyq joǵarǵy oqý oryndaryn bul estafetany jalǵap ketýge shaqyramyz. Bul sharanyń basty maqsaty - Ýnıversıdanyń abyroıyn asqaqtatý men jas býyndy ulttyq oıynǵa tartý, - delingen habarlamada.
Sizderge stýdentterdiń konkımen "Qyz qýý" oıynyn kórsetken vıdeosyn usynamyz.