Pavlodar oblysynyń ákimi Bolat Baqaýov apparattyq jınalysta eki basqarmanyń jańa basshylaryn tanystyrdy. Oraz Dıýzdembaev aýyl sharýashylyǵy basqarmasyn basqarsa, Qaıyrjan Baıjanov veterınarııa basqarmasyna jetekshilik etedi, dep habarlaıdy pavlodarnews.kz.
«Men árbir aýdannyń óz ereksheligin esepke ala otyryp aýyl sharýashylyǵyn damytý baǵdarlamasyn jasaýdy tapsyramyn, osy máseleni baqylaýǵa alyńyzdar. Oblysta aýyl sharýashylyǵyn damytýǵa arnalǵan kóptegen múmkindikter bar, solardy paıdalanýymyz kerek», - dep aıtty óńir basshysy Oraz Dıýzdembaevqa.
Oraz Dıýzdembaevtyń eki joǵary bilimi bar jáne aýylsharýashylyq salasynda tájirıbe jınaqtaǵan maman. Jeti jyldan astam ýaqyt «Azyq-túlik kelisimshart korporasııasy» ulttyq kompanııasynyń oblystaǵy bólimshesin basqarǵan. Qazirgi qyzmetine deıin Jelezınsk aýdany ákiminiń orynbasary bolǵan.
Qaıyrjan Baıjanov ákimniń tapsyrmasy boıynsha kúıdirgi kómilgen jer kadastryn qamtamasyz etý jáne belgiler ornatyp, qorshaýlar jasaýǵa tıis. Jalpy alǵanda oǵan oblystaǵy sanıtarlyq-epızootııalyq baqylaýdy qatańdatý mindeti júkteldi.
Veterınarııa basqarmasynyń jańa basshysy Qaıyrjan Baıjanov mal dárigeri bilimin meńgergen. Pavlodar aýdanyndaǵy bas memlekettik veterınarlyq ınspektor jáne veterınarııa bóliminiń basshysy retinde jumys istegen. Qazirgi qyzmetine deıin Pavlodar aýdandyq máslıhatynyń hatshysy boldy.