Monrealda ornalasqan Passport Index uıymynyń saıtynda eń «myqty» tólqujaty bar elderdiń reıtıngi jarııalanǵan.
QazAqparattyń habarlaýynsha, baǵalaýdyń negizigi ólshemderiniń biri retinde vızasyz qansha elge barýǵa bolatynyna mán beriledi. Birinshi oryndy 157 elge vızasyz barýǵa múmkindik beretin Germanııa ıelengen.
Sıngapýr ekinshi orynda. Azııadaǵy bul eldiń pasporty bar azamat eshqandaı vızasyz 156 memleketke bara alady. Ekinshi oryndy Sıngapýr Shvesııamen bólisedi.
Úshinshi orynda Danııa, Fınlıandııa, Fransııa, Ispanııa, Shveısarııa, Norvegııa, Ulybrıtanııa jáne AQSh tur. Bul elderdiń týrısteri eshbir kedergisiz 155 eldi aralaı alady.
Reıtıngke súıensek, qazaqstandyqtar vızasyz 69 elge bara alady. Passport Index reıtınginde bizdiń elimiz 56-shy oryndy ıelendi. Bul oryndy Qazaqstan Oman Koroldigi men Botsvanamen bólisedi.
Reseı pasporty - 39-shy, Belarýs - 57-shi orynda tur. Qyrǵyzstan men Qytaı 66-shy oryndy, О́zbekstan - 70, Túrkimenstan - 75-shi oryndardy qanaǵat tutqan.