О́tken jyldyń jeltoqsan aıynda «Qazaqstan temir joly» UK» AQ-tyń prezıdenti, basqarma tóraǵasy Qanat Qalıuly Alpysbaev myrzaǵa Abaı mýzeıi ujymynyń uıymdastyrýymen jergilikti ákimshilik jáne qoǵamdyq uıymdardyń atynan «Aldaǵy 2017 jyly álemge áıgili «Abaı joly» roman-epopeıasynyń avtory, kemeńger jazýshy, ult maqtanyshy Muhtar Áýezovtiń týǵanyna 120 jyl tolatynyn eskere otyryp, «Astana – Zashıta» baǵytyna qatynaıtyn №67/68 «Tulpar-Talgo» poıyzyn «Abaı joly» dep ataýdy suraımyz» degen mazmunda arnaıy hat joldanǵan bolatyn-dy. Hatqa Qazaqstannyń bir top ǵalymy men zııaly qaýym ókilderi qol qoıǵan.
Kóp keshikpeı Abaı mýzeıiniń dırektory Bolat Júnisbekov myrzaǵa joǵaryda atalǵan ulttyq kompanııanyń damytý jónindegi vıse-prezıdenti mindetin atqarýshy D.Nurmaǵanbetovten «Qazaqstan temir joly» ulttyq kompanııasy» aksıonerlik qoǵamynyń enshiles kompanııasy – «Jolaýshylar tasymaly» aksıonerlik qoǵamy (budan ári – qoǵam) sizdiń №67/68 «Astana – Zashıta» baǵytyndaǵy jolaýshylar poıyzyna «Abaı joly» ataýyn berý jónindegi usynysyńyz nazarǵa alynyp, kelisildi. Qazirgi tańda qoǵam tarapynan osy másele boıynsha tıisti jumystar atqarylýda», – degen jaýap ta kelgen edi.
«Jolaýshylar tasymaly» aksıonerlik qoǵamynyń servıstik qyzmet kórsetý bóliminiń bas mamany Asqar Ahmetbekov «Abaı joly» ataýymen jolaýshylar poıyzy osy qańtar aıynyń sońynda nemese aldaǵy aqpan aıynda qatynaıtynyn habarlady.
Raýshan NUǴMANBEKOVA
Shyǵys Qazaqstan oblysy