Eýropalyq halyq partııasy fraksııasynyń ókili ıtalııalyq Antonıo Taıanı Eýropalyq parlamenttiń (EP) prezıdenti bolyp saılandy, dep habarlaıdy QazAqparat.
Antonıo Taıanıdiń kandıdatýrasyn parlamentarııler Strasbýrgte ótken EP sessııasynyń tórtinshi kezeńinde ǵana basym daýyspen qoldady. Ol Eýroparlamentti aldaǵy 2,5 jyl boıy basqaratyn bolady.
Aıta keteıik, alda ótken daýys berýdiń úsh kezeńinde alty kandıdattyń eshbiri qajetti daýysty jınaı almady. Osy sebepti jeńimpaz tórtinshi kezeń barysynda anyqtaldy. Oǵan ózgelermen salystyrǵanda anaǵurlym kóp daýys jınaǵan eki depýtat qana ótti.