Eýrazııalyq ekonomıkalyq komıssııanyń (EEK) keńesi eń kenje damyǵan 49 memleketten jáne 104 damýshy elden keletin kedendik baj salyǵy 25% tómendeıtin nemese múldem alynyp tastalatyn taýarlar tizimin bekitti. Bul týraly EEK baspasóz qyzmeti habarlady.
Tizim Búkilálemdik saýda uıymynyń IX Mınıstrler konferensııasyndaǵy eń kenje damyǵan elderdiń taýarlaryna qoljetimdilikti yryqtandyrý jónindegi ýaǵdalastyqtardy júzege asyrý aıasynda quryldy. Daıyndalǵan tizim tarıftik artyqshylyqtarǵa ıe taýarlardy (et jáne qosalqy taǵamdar, balyq, sút ónimderi, bal, jemister, jańǵaqtar, kofe, shaı, kúrish, dámdeýishter, kakao burshaqtary, kolleksııalaý jáne antıkvarıat buıymdary, baǵaly metaldar men marjan, qoldan toqylǵan kilemder) jáne az damyǵan elderde tarıftik artyqshylyq keńeıtilgen taýarlardy (qara jáne tústi metalldar, mashına qurylysy ónimderiniń keı túrleri) qamtıdy.
«Eshqandaı baj salyǵynsyz keletin taýarlar sany barlyq nomenklatýranyń 62% quraǵan. Aldaǵy ýaqytta baj salyǵynsyz qoljetimdilikti taýar nomenklatýrasynyń 97%-ǵa deıin kóterýdi josparlap otyrmyz», - dep málimdedi EEK Alqasynyń múshesi Veronıka Nıkıshına.