Italııa men Ispanııadaǵy aýa raıynyń qolaısyzdyǵy soltústik Eýropa elderinde kókónis tapshylyǵyna ákelýi múmkin. Sebebi kún kóziniń shyqpaýy men aýa raıynyń salqyndyǵy kókónis shyǵymyna keri áserin berip jatyr, dep jazady VVS. Ásirese, asqabaq pen ushpa egetinder kóp zardap shekken.
Basylymnyń habarlaýynsha, Ispanııanyń ońtústik shyǵysy men Italııanyń ońtústiginde qyryqqabat egistigi túgeldeı derlik shyǵynǵa ushyraǵan.
Ispanııanyń Mýrsııa óńirinde burysh egistigi jaýynnyń kóptiginen shyqpaı qalǵan. Ispanııanyń bul óńiri qysqy maýsymda Eýropa suranysynyń 80 paıyzyn jabatyny belgili.
Qazirgi tańda Eýropa saýda oryndary endi kókónisti satyp alatyn Eýropa men AQSh-taǵy ózge de kózderdi izdestirýde. Alaıda, Brıtanııada qazirdiń ózinde baǵa 25-40% qymbattap ketti. Jyl sońyna qaraı bul kórsetkish taǵy ulǵaıýy múmkin.
Tesco bólshek saýda jelisi ókildiginiń málimetinshe, aldaǵy ýaqytta tapshylyq bolýy ábden múmkin.