Ońtústik Qazaqstan oblysynda 2016 jyly sport salasyna 10,9 mlrd teńge baǵyttalyp, bul 2015 jylmen salystyrǵanda 28 paıyzǵa artqan, dep habarlady oblys ákimdiginiń baspasóz qyzmeti.
Memleket tarapynan sportshylarǵa jasalǵan jaǵdaıdyń arqasynda respýblıkalyq chempıonattar men birinshilikterde oblys sportshylary 399 altyn, 395 kúmis, 391 qola medalǵa qol jetkizse, Azııa chempıonattarynda oblys sportshylary 46 altyn, 46 kúmis jáne 37 qola medalge ıe boldy. Al, Álem chempıonattary men Kýboktarynda 46 altyn, 19 kúmis jáne 29 qola medal jeńip aldy.
Aıta keterligi, jalpy oblysta dene shynyqtyrý men sportty damytý baǵytynda 87 memlekettik sport mekemelerinde 2399 bilikti jattyqtyrýshy 53678 sportshymen kúndelikti oqý-jattyǵý jumystaryn júrgizýde. 2016 jyldyń qorytyndysy boıynsha oblysta 5350 sport nysandary tirkelip, 2015 jylmen salystyrǵanda 172 nysanǵa artqan.