Aǵymdaǵy jyldyń shilde aıynda elordada akvapark pen sholý dóńgelegi paıdalanýǵa beriledi, dep habarlady QazAqparat Astana qalalyq sáýlet jáne qala qurylysy basqarmasyna silteme jasap.
Basqarma málimeti boıynsha, Qorǵaljyń tas joly boıyndaǵy «Dýman» oıyn-saýyq ortalyǵyna akvapark pen sholý dóńgelegin ornatý arqyly qaıta jańǵyrtý jumystary júrgizilýde. Tapsyrysty «Alem-Projekt» JShS-i bergen. Al bas merdiger - «QazDamý Invest» JShS. Sholý dóńgeleginiń bıiktigi - 65 metr. Dóńgelek panoramdy jaryqpen jabdyqtalǵan. Onda jeldetý jáne jylytý júıelerine qosylǵan 32 kabına jáne jaılylyǵy joǵary 4 kabına bolady. Kórý dóńgelegi jyl boıy jáne kúni-túni jumys istemek.
Al akvapark aýmaǵy 6874 sharshy metr. Oǵan akvapark, kıim aýystyratyn oryndar, qabyldaý bólmesi, tamaqtaný alańy salynady. Jylyna 240 myń adamǵa qyzmet kórsetedi. Bul nysandar aǵymdaǵy jyldyń shilde aıynda paıdalanýǵa berilmek.