Ońtústik Qazaqstan oblysynda turǵyndardy tabıǵı gazben qamtamasyz etý jumystary qarqyndy júrgizilip keledi. Búginde óńir turǵyndarynyń 61 paıyzy kógildir otynmen qamtamasyz etilgen. Bul týraly búgin OQO Aımaqtyq kommýnıkasııa qyzmetinde ótken brıfıngte Oblystyq energetıka jáne turǵyn úı - kommýnaldyq sharýashylyq basqarmasynyń basshysy Marǵulan Maraıym málimdedi.
Onyń aıtýynsha, 2016 jyly 25 eldi mekendegi tabıǵı gaz qurylysyna 13,7 mlrd teńge bólinip, tolyǵymen ıgerildi. Nátıjesinde 300 eldi mekende turatyn 1 mln 755 myń 306 turǵyn kógildir otynmen qamtylǵan. Al 9 jobanyń qurylysy jyl sońyna deıin aıaqtalatyn bolady.
Odan bólek, 2016 jyly 47 eldi mekendegi turǵyndardy oblystyq bıýdjet esebinen tabıǵı gazben qamtamasyz etý úshin jobalyq smetalyq qujattardy ázirleýde. Mundaǵy jumystardy 2017 jyldyń birinshi toqsanynda aıaqtaý josparlanyp otyr.
Al bıyl 79 nysanǵa oblystyq bıýdjetten 13,7 mlrd teńge bólinipti. Eger qurlys jumystary mejelegen merzimde aıaqtalsa, 357 eldi mekende turatyn 1 mln 855 myń adam tabıǵı gazben qamtamasyz etiletin bolady. Iаǵnı, bul oblys halqynyń 65,3 paıyzyn quraıdy. Sondaı-aq 2017-2020 jyldary 960 myń turǵyny bar 383 eldi mekendi gazdandyrý jumystary qolǵa alynady. Joba tolyǵymen júzege asqan jaǵdaıda 2021 jyly oblystaǵy gazdandyrylǵan aýyldar sany 683-ke artatyn bolady. Naqtyraq aıtsaq, 2 mln 715 myń turǵyn kógildir otyrǵa qol jetkizedi. Bul oblys halqynyń 81 paıyzyn quraıdy.