Náresteniń alǵashqy bes aıda úırengen ana tili eshqashan umytylmaıtynyn ǵalymdar dáleldedi, dep jazady BBC.
Ońtústik Koreıalyq ýnıversıtetterdiń birinde júrgizilgen zertteý qorytyndysy boıynsha, náreste erte jasta basqa elge kóship ketip, ana tilin múlde umytyp qalǵannyń ózinde, ana tili jadynda tereń saqtalatyny belgili boldy.
Zertteýge Ońtústik Koreıadan asyrap alynǵan golland tilinde sóıleıtin eresek adamdar qatysty. Olar ózderiniń ana tili koreı tilin bilmegenimen, koreı tilinde sóıleýge degen ıkemi saqtalǵany baıqalady.
Osydan ǵalymdar ata-analardyń balalarymen erte jastan bastap ana tilinde kóbirek sóılesýi kerektigi týraly qorytyndy jasady.
Zertteý jumysynyń jetekshisi Djıýn Choıdyń aıtýynsha, zertteýden ashqan eń úlken jańalyq - náreste alǵashqy kúnnen bastap ana tilinde sóıleý mashyǵyna ıe bolady. Nátıjesinde, er jetkende óziniń ana tilin bilmegenimen, ony qaıta úırený basqa tildi úırenýge qaraǵanda barynsha ońaı bolmaq.
Zertteýge eki top gollandııalyq azamat qatysty. Bir toptaǵylar taza golland bolsa, ekinshi toptaǵylar alty aıǵa deıin ózge elden asyrap alynǵandar. Eki topqa da asyrandy gollandtardyń ana tilinde sóz aıtýǵa tapsyrma berilgende, taza gollandtar shet tildegi sózdi aıtýda qınalsa, asyrandy gollandııalyqtar ózderiniń shyn ana tilindegi sózderdi op-ońaı aıtqan.