Ýkraınanyń Joǵarǵy Rada depýtaty Nadejda Savchenko Donbasty beıbit jolmen bosatý tek Qyrymnan ýaqytsha bas tartý arqyly ǵana múmkin ekenin aıtty, dep habarlaıdy «112 Ýkraına» arnasy.
«Reseı sanksııaǵa shydas bere almaı, nátıjesinde Qyrym báribir qaıtarylady. Biraq ol ádettegideı uzaqqa sozylyp ketpek», — dedi depýtat.
Savchenkonyń aıtýynsha, Radanyń keı depýtattary qanshalyqty atoı salǵanyna qaramastan, jartyaraldan bas tartatyn ýaqyt keldi. О́ıtkeni, Qyrymnyń kebin Donbass kımeýi kerek.
Erterekte Ýkraına prezıdenti Petr Poroshenko Qytaı Halyq Respýblıkasy tóraǵasy Sı Szınpınnen Qyrym men Donbasty qaıtarýǵa kómektesýdi suraǵan edi.
Savchenkonyń álgi málimdemesinen keıin Kremldiń resmı ókili Dmıtrıı Peskov reseılik aımaqtardyń, sonyń ishinde Qyrymnyń mártebesi talqylanbaıtynyn kesip aıtty.
«Bul másele Reseı Federasııasy úshin talqylanbaıtyn taqyryp. Ásirese, eldiń óńirleriniń mártebesin eshkimmen talqyǵa salmaımyz», — dedi Peskov. Osylaısha, Peskov Savchenkonyń Ýkraına bıligine Qyrymnan bas tartyp, Donbasty alý týraly usynysyna kelispeıtinin bildirdi.
Sonymen qatar, Kremldiń resmı ókili Reseıdiń Ýkraına ońtústigindegi ahýaldy retteýge kúsh salyp jatqanyn aıtty.