Fýtzaldan Qazaqstan ulttyq quramasynyń bas bapkerligi qyzmetine brazılııalyq Joze Alesıo Da Sılva taǵaıyndaldy. Bul týraly afrk.kz habarlady.
Kelisimshart merzimi, ózge de málimetter ázirge belgisiz. 48 jastaǵy maman buǵan deıin Kakaýdyń ulttyq quramadaǵy jáne «Qaırat» komandasyndaǵy kómekshisi bolǵan. El quramasyna 2015 jyldyń qarasha aıynda kelse, Almaty komandasynda 2014 jyldyń qyrkúıek aıynan beri qyzmet etip keledi.
Fýtbolshylyq ǵumyrynda ol Brazılııanyń «Voltorantın», «Inter Ýlbra» jáne «Vasko da Gama» komandalarynda dop tepse, Reseıdiń «Spartak», «TTG-Iаva» ujymdarynda oınaýshy ári jattyqtyrýshy bolǵan.
Alesıonyń bastaýymen Qazaqstan Eýro-2018 týrnıriniń irikteý oıyndaryn ótkizedi.