QR aqparat jáne kommýnıkasııa mınıstri Dáýren Abaev Facebook jelisinde telefondardy mindetti tirkeý týraly normany túsindirdi.
"Qurmetti dostar, uıaly telefondardyń IMEI-kodtaryn tirkeý boıynsha birqatar suraqqa jaýap berip, túsindirgim keledi. Birinshiden, biz tirkeý prosedýrasyn daıyndaýǵa kirisip ketken jumys tobyn qurdyq. Mamyr aıynyń sońyna deıin jasalyp, azamattarǵa jan-jaqty túsindiriledi. Ekinshiden, biz turǵylyqty jer boıynsha ýaqytsha tirkeýdiń tájirıbesin esepke aldyq, sondyqtan prosedýra barynsha jeńil bolady jáne uzyn-sonar kezek pen dúrligý týǵyzbaıdy", - dep jazdy mınıstr.
Úshinshiden, mınıstrdiń aıtýynsha, IMEI-kodtar bazasyn jasaýdyń halyqaralyq tájirıbesi, máselen Ulybrıtanııa, Túrkııa, Ázirbaıjan tájirıbeleriniń esepke alynady.
"Tórtinshiden, júıe iske qosylǵanda telefon urlyǵyn aıtarlyqtaı azaıtýy kerek. Sebebi turǵyn telefonynyń urlanǵanyn polısııaǵa habarlasa, ony qulypqa túsirýge bolady. Sonda telefon urlyǵynyń maqsaty bolmaı qalady. Búginde IIM málimetinshe, elimizde jyl saıyn 60 myń shamasynda telefon urlanady, al qaıtarylý múmkindigi 5 paıyz ǵana. Onyń ústine, kóp jaǵdaıda balalar jábirlenýshi bolyp jatady. Endi olardy qylmyskerlerdiń qurbany bolýynyń aldyn alýǵa múmkindik beretin quralymyz bolady", - dep jazdy mınıstr.