Ol úshin qalanyń batys aımaǵyndaǵy arnaıy belgilengen jer telimderin qajetti ınjenerlik-kommýnıkasııalyq ınfraqurylymmen qamtýdy aıaqtaý úshin bıyl ınfraqurylymdy damytý baǵdarlamasy aıasynda qazynadan 476,7 mıllıon teńge bólinip otyr. Atalǵan qarajatqa uzyndyǵy – 14,2 shaqyrym káriz jelileri, 29,4 shaqyrym elektr jelileri salý josparlanýda.
Qurylys jumystarynyń bas merdigeri – «Qazbaılyq Astana» jaýapkershiligi shekteýli seriktestigi. Qazir 18,5 shaqyrym sý qubyry jáne 10 kVt elektr jelileri qurylysy tolyǵymen aıaqtaldy. Jumys kestesi bekitilip, 0,4 kVt jelileriniń tireýlerin ornatý boıynsha jumystar atqarylyp jatyr.
Qala ákimdigi baspasóz qyzmetiniń habarlaýynsha, 2017 jyldyń naýryz aıyna deıin Jezqazǵan qalasy boıynsha jeke turǵyn úı qurylysyna jer telimderin alýǵa 2415 azamat ótinish bergen.
Osy oraıda, barlyǵy 144 páterlik tórt kópqabatty turǵyn úıdiń qurylysyna qajet jobalyq-smetalyq qujattama daıyndaýǵa 47,7 mıllıon teńge bólinip, merdiger iske kiriskenin aıta ketken jón. Atalǵan joba iske asqan jaǵdaıda, memlekettik turǵyn úı qorynan baspana alý kezeginde turǵan 2002 azamattyń tizimi de 1878 adamǵa qysqarmaq.
Darhan Muqan
Jezqazǵan qalasy, Qaraǵandy oblysy