Alǵa, Qazaqstan!

Shara Elbasy Jol­daý­yn qoldaı otyryp, qu­jat­ta nysanaǵa alynǵan negiz­gi basymdyqtardy, olar­­dyń mańyzy men mánin jas sportshylarǵa túsin­dirý­ge baǵyttaldy. Ekono­mı­kanyń jedeldetilgen teh­­nologııalyq jań­ǵyr­­ty­lýy, bıznes-orta­ny tú­be­geıli jaqsar­tý jáne keńeıtý, mak­ro-ekono­mı­ka­lyq turaq­ty­lyq, adamı ka­pıtal sapasyn jaqsar­tý, ınstı­týt­tyq ózgerister­ge, qaýip­sizdikke jáne sy­baı­las jem­qorlyqpen kúres sııaq­ty ár basymdyq bo­ıynsha jeke-jeke baıandamalar ja­saldy.

Atalǵan oqý ordasynyń basshysy Amalbek Tshanov jas sportshylardyń bola­shaǵy eli­mizdiń áleýmettik-ekonomıkalyq damýymen tyǵyz baılanysty eke­­nin tilge tıek etti. «Bar­sha­myz­ǵa bel­gili, Elbasy Nursultan Ábishuly Nazarbaev óz halqymen tike­leı suhbattasty, ózi­niń oıyn, kózqara­syn aıtyp, al­ǵa qoıǵan maq­sat­tarymen bólis­ti. «Qazaq­stan­nyń Úshinshi jań­ǵy­rýy: ja­han­dyq báseke­ge qabi­let­tilik» atty Elba­synyń bıylǵy Joldaýy – ózi­niń tarı­hıly­ǵymen erek­she­le­netin qujat. Elba­symyz­dyń qaı Jol­daýyn alyp qarasaq ta as­tarynda ult bolyp uıysý, ha­lyq bolyp birige otyryp qıyn­dyq­tardy eńserý ıdeıa­sy jat­qanyn baıqaýǵa bolady. Elbasynyń salı­qaly saıasaty elimizdiń álem­­niń 30 damyǵan eliniń qa­­taryna qosylýyna to­lyq múmkindik beretinine senim­­­­dimiz. Damýymyz je­del, keleshe­gimiz kemel bolýy úshin Elbasy Jol­daýy­nan týyndaıtyn min­­det­­terdi oryndaýda eli­miz­­diń ár azamaty taban­dylyq tany­týy qajet», dedi ol ózi­niń sózinde.

Atalǵan «Res­pýb­lı­ka­lyq sport kolledji» – eli­mizdiń atyn álemge áıgi­lep júrgen talaı sport­­shy­ny qanattandyrǵan kıeli sha­ńyraq. Al sharaǵa qa­tys­qan bar­lyq sportshy óren­ ózderi­ne tán úrdis­pen biraýyz­dan «Alǵa, Qa­zaq­stan!» dep urandatty.

Arman OKTIаBR, «Egemen Qazaqstan»