Úrjar aýdany ortalyǵynyń tórinen qasqaıyp oryn alǵan tas músin kórgen jannyń kózin súısindiredi. Bıiktigi 10 metr, granıt tastan qashalyp jasalǵan eskertkishti jerlesterine tartý etken, osy óńirdiń týmasy, belgili mesenat Qusman Shalabaev.
–Jer-jerde atqa mingen batyrlardyń eskertkishteri kóbeıip ketti. Bir-birinen ajyrata almaıtyndaı jaǵdaıǵa jettik. Sondyqtan bul eskertkishti turǵyzarda batyrlarǵa qarata aıtylatyn bilektiń kúshi, naızanyń ushy degen sózdi nazarǵa aldyq. Has batyrdyń qolyna naıza ustatqanymyzdyń sebebi osy, – deıdi Atymtaı jomart azamat.
Eskertkishtiń ashylý rásimi ótken soń ǵalymdardyń qatysýymen ǵylymı-tájirıbelik konferensııa uıymdastyrylyp, Abylaı hannyń bas batyry jaıynda qundy baıandamalar jasaldy. Taǵylymdy basqosýda sóz alǵan Úrjar aýdanynyń ákimi Serik Zaınýldın bıyl Qabanbaı batyrdyń 325 jyldyǵy ekenin atap ótip, óńirde birqatar is-sharalar ótkizýdi josparlap otyrǵandaryn jetkizdi.
Azamat QASYM,
«Egemen Qazaqstan»
Shyǵys Qazaqstan oblysy