Sharaǵa Kanadanyń Úkimeti men Parlamentiniń joǵary laýazymdy tulǵalary, Syrtqy ister mınıstrligi men basqa da mınıstrlikter men vedomstvolardyń basshylyǵy, isker toptar ókilderi, ǵylym jáne mádenıet qaıratkerleri, jýrnalıster, Ottavada akkredıttelgen dıplomatııalyq ókildikterdiń basshylary, sonymen qatar qazaqstandyq dıasporanyń ókilderi qatysty.
Qazaqstannyń Kanadadaǵy elshisi Konstantın Jıgalov jınalǵandarǵa A.Musaqojaevany tanystyra otyryp, 25 jyl ishinde Qazaqstan men Kanada arasynda jaqsy qarym-qatynas qalyptasqanyn jáne elshilik mereıtoılyq kúnge arnalǵan is-sharalardy jyl boıy ótkizetinin atap ótti.
A.Musaqojaeva Sara Asabaevamen (roıal) birge I.Brams, P.Chaıkovskıı, M.Falıa, T.Vıtalı jáne t.b. kompozıtorlardyń álemdik klassıkalyq týyndylaryn oryndady. Árbir mýzykalyq shyǵarma Stradıvarıdiń sıqyrly únine boı aldyrǵan kórermenniń ystyq yqylasyna ıe boldy.
Kórnekti qazaqstandyq ártis A.Musaqojaevanyń konserti onyń artynan ótken resmı qabyldaýda jáne áleýmettik jelilerde óte joǵary baǵalandy, dep habarlady Qazaqstan Respýblıkasy Syrtqy ister mınıstrliginiń baspasóz qyzmeti.