Beıjińmen baılanys artady

Júzdesý barysynda eki baý­yrlas qalanyń yn­ty­maq­­tastyq perspektıvalary, sonyń ishinde Astanada EKSPO-2017 halyqaralyq ma­mandandyrylǵan kórmesi ke­zinde Beıjiń kúnderin ót­kizý ja­ıy talqylandy.

Á.Isekeshev Qytaıdyń Qazaqstandaǵy týrızminiń jy­ly sheńberinde iskerlik já­ne mádenı baılanys­tar­dy keńeıtýde týrıstik sa­lanyń áleýeti zor ekenin atap kór­setti jáne Beıjiń tý­rı­s­te­rin EKSPO-2017 kór­me­si­ne shaqyrdy.

QHR Halyqaralyq saý­dany qoldaý jónindegi ko­mı­tetiniń aqparatyna sáıkes, EKSPO-2017 sheńberinde 300 000-ǵa jýyq týrıst Qazaqstanǵa saparlap kelýdi josparlap otyr. 2017 jylǵy 16-18 maý­sym­nan bastap Beıjińniń Astanadaǵy kúnderinen bastap úsh aı ishinde Qytaıdyń 22 pro­vı­nsııasynyń delegasııa­lary óz ekspozısııalaryn usy­nyp, óz­deriniń iskerlik áleý­eti men mádenıetin tanys­tyr­maq.

Á.Isekeshev pen Saı Sı, sondaı-aq  elordada Qazaqstan-Qytaı jo­ba­la­ry­nyń biri bolyp taby­la­tyn jeńil relsti kólik (LRT) qurylysyn iske asyrý jaıyn talqylady. Budan basqa, ákim Astana men Beıjiń arasynda kólik basqarý salasynda turaqty áriptestikti jáne tájirıbe almasýdy jolǵa qoıýǵa múd­delilik tanytty.

Sondaı-aq, qalalar basshylary ekonomıka salasynda yntymaqtastyqty arttyrý boıynsha birqatar baǵytty belgiledi. Sonymen qatar, Á.Isekeshev Beıjińniń kólik júıe­sin basqarý ortalyǵynda bo­lyp, Qytaı astanasynda iri sharalardy ótkizý kezinde kólik jumysyn uıymdastyrý jaıymen tanysty.

Sapary sheńberinde As­tana ákimi, sondaı-aq, kó­lik, qurylys, ındýstrııalyq par­kterdi, «smart»-teh­no­lo­gııalardy damytý, sport ny­sandaryn basqarý sala­la­­ryndaǵy Qytaıdyń je­te­k­­shi kompanııalarynyń ókild­erimen kezdesti. Buǵan qo­sa, Á.Isekeshev ShYU Hat­shy­ly­ǵynda bolyp, uı­ym­nyń Bas hatshysy Rashıd Alı­mov­pen Astananyń atalǵan bir­les­tikpen yntymaqtastyq má­se­lelerin talqylady.