Ulttyq kostıýmder konkýrsy

Máskeýde turatyn otandasymyz – kóp jyldar boıy Reseı Memlekettik Dýmasynyń Ulttar isteri komıtetinde apparat basshysy laýazymynda bolǵan, qazir osy Komıtet tóraǵasynyń keńesshisi qyzmetin atqaratyn saıası ǵylymdar doktory, belgili qoǵam qaı­ratkeri Raýshan Qanapııanova Máskeý jurtshy­lyǵyna, Reseı qazaqtaryna jaqsy tanymal. Raýshan Musahanqyzynyń bilimi men biligi, ómirlik tájirıbesi men uıymdastyrýshylyq qa­bileti reseılik qazaqtardyń qoǵamdyq uıym­darynyń jumysyn jetildirip, jan­dan­dyrýǵa eleýli yqpal etip keledi. Ol sonymen birge biraz jyldan beri áıelderdiń túrki tildes ha­lyq­tardyń dástúrlerin saqtaýǵa jár­demde­setin óńiraralyq qoǵamdyq uıymyn bas­qara­dy. Bul 1998 jyly Máskeýdegi jáne Iаkýtııa­nyń Mırnyı qalasyndaǵy qazaq áıelderiniń bastamasymen dúnıege kelgen uıym. Atalǵan uıymnyń aıtýly jobasy dep jylma-jyl dástúrge aınalǵan ulttyq kostıýmder sániniń halyqaralyq konkýrsyn aıtýǵa bolady. «Bul konkýrstyń maqsaty, – deıdi Raýshan Qanapııanova – kıimdegi hám turmystaǵy ulttyq dástúrlerdi tereńirek zerdeleýge, ár­túrli halyqtardyń mádenıeti men ónerine degen qyzyǵýshylyqty qalyp­tas­tyrýǵa, san alýan mádenıet túrleriniń ózara toǵysýy men damýy­na yqpal etý. Etnostyń qazirgi zamanǵy joǵary sán úrdisterimen ushtasqan dástúrli kıimderiniń san alýan baǵaly úlgilerin kórsetý». Eki kúnge sozylǵan bıylǵy konkýrstaǵy jeńimpazdar jaıyna kelsek, birinshi oryndy Adygeı Respýblıkasynyń, ekinshi oryndy Abhazııanyń, úshinshi oryndy Cheshenstannyń sheberleri jeńip aldy. Ártúrli atalymdar bo­ıynsha alǵashqy úshtikke kóterilgen sán­gerler arasynda Máskeýdiń, Ýlan-Bator qalalary­nyń, Habarovsk ólkesiniń, Mordovııanyń, Ady­geıdiń, Býrıatııanyń, О́zbekstannyń, Túr­ki­menstannyń, Saha-Iаkýtııanyń, Armenııanyń jáne t.b. óńirlerdiń ókilderi bar. Atalmysh konkýrstyń «Halyqtyq dástúr­lerdi muqııat saqtaǵany úshin» dep atalatyn arnaýly júldesine Ońtústik Qazaqstan obly­synyń Túrkistan qalasyndaǵy H.Iаssaýı atyn­daǵy halyqaralyq qazaq-túrik ýnıversıtetinen kelgen Márııam Ezıeva ıe bolyp, osy oqý ornynyń birneshe stýdentterine dıplomdar tapsyryldy dep habarlady konkýrsty uıymdastyrýshylar. Serikqalı BAIMENShE, Máskeý.