Lıvııanyń munaı ónerkásibi mınıstri Shýkrı Ganem elden qashyp ketken. Bul jóninde Reıter agenttigi osy eldiń buqaralyq aqparat quraldary taratqan aqparattarǵa silteme jasaı otyryp habarlady.
Osynyń aldynda «Al-Jazıra» telearnasy mınıstrdiń Lıvııadan tysqary jerge ketkenin habarlaǵan bolatyn. Keıbir aqparat kózderine qaraǵanda, Shýkrı Ganem kóterilisshiler jaǵyna shyqqan kórinedi. Qazirge onyń qaıda baryp, boı tasalaǵany naqty anyqtalǵan joq. Mınıstr bul qyzmetke 2006 jyly taǵaıyndalǵan edi. OPEK-ke múshe elderdiń kezdesýinde Lıvııanyń ókili retinde qatysyp kelgen-di. 68 jastaǵy Shýkrı Ganem buǵan deıin Halyqtyq komıtettiń bas hatshysy (premer-mınıstr) laýazymyn atqarǵan eken.
Portýgalııaǵa 78 mıllıard evro bólinedi
Eýropalyq odaq elderiniń qarjy mınıstrleri Portýgalııanyń memlekettik qaryzdaryn jabý úshin osy elge kredıt bólýdi maquldady. Onyń jalpy kólemi 78 mıllıard evrony quraıdy.
Frans-press agenttiginiń habarlaýynsha, Portýgalııa úkimeti bul kredıt úshin bıýdjet tapshylyǵyn qysqartý jóninde birqatar sharalar qabyldaýy tıis. Iаǵnı, 2011 jyly bıýdjet tapshylyǵy eldiń IJО́-niń 5,9 paıyzyn, 2012 jyly – 4,5 paıyzyn, al 2013 jyly – 3 paıyzyn quraýy qajet. Portýgalııa evro aımaǵyndaǵy memlekettik qaryzdardy jabýǵa kredıt suraǵan úshinshi memleket bolyp otyr. Buǵan deıin 2010 jyldyń kókteminde Grekııa 110 mıllıard, ótken jyldyń qazanynda Irlandııa 85 mıllıard evro alǵan edi.
Ýkraına úshin Reseı gazy – qymbat
«Korrespondent.net» agenttiginiń taratqan aqparattaryna qaraǵanda, Ýkraına osy jyldyń ekinshi jartysynan bastap Reseı gazyn satyp alýdan tolyq bas tartýy múmkin. Muny Ýkraına premer-mınıstri Nıkolaı Azarov málimdegen.
«Biz 2011 jyldyń ekinshi jartysynda Reseı gazyn birinshi jartyjyldyqqa qaraǵanda edáýir az satyp alatyn bolamyz. О́ıtkeni, onyń baǵasy tym qymbat», dep atap ótipti ol málimdemesinde. Ýkraına energetıka mınıstrliginiń jasaǵan boljamynsha, ýkraındar úshin úshinshi toqsanda Reseı gazynyń 1 myń tekshe metri 350 dollarǵa deıin, tórtinshi toqsanda 400 dollarǵa deıin kóterilýi múmkin. Al qazirgi kezde Ýkraına Reseı gazynyń 1 myń tekshe metrin 296 dollardan satyp alyp keledi.
Qala turǵyndary túgel kóshirildi
Kanadanyń Albert atalatyn provınsııasynda tabıǵı órt saldarynan jergilikti bılik sol mańdaǵy Sleıv-Leık qalasynyń turǵyndaryn túgeldeı basqa jerge kóshirýge májbúr boldy. Assosheıted press agenttiginiń aqparatyna qaraǵanda, bul eldi mekende 7 myńǵa jýyq adam turady.
Jel kótergen órt qalany eki jaǵynan qýsyrǵan. Sonyń saldarynan qalanyń aınalasyndaǵy 17 myń gektar orman alqaby janyp ketken. Qala basshysy Karına Pılleı-Kınniń málimdeýinshe, Sleıv-Leık qalasyndaǵy ǵımarattar men turǵyn úılerdiń úshten bir bóligi otqa oranǵan kórinedi. Qala tarıhynda mundaı qıyn jaǵdaı bolmaǵan eken. Jergilikti resmı organdardyń aıtýynsha, órttiń shyǵýyna aptap ystyq pen údeı soqqan jel sebep bolǵan.
Terrorlyq áreketterdiń aldyn aldy
Frans-press aqparat agenttiginiń habarlaýynsha, Irlandııa polısııasy el astanasy – Dýblın qalasynyń mańynda josparlanǵan terrorlyq árekettiń aldyn alǵan.
Polısııanyń málimetteri boıynsha, bomba Meınýt eldi mekenindegi avtobýsqa qoıylǵan. Sondaı-aq, ekinshi bomba Inchıkor qalasynan da tabylǵan. Terrorlyq áreketterdiń Ulybrıtanııa hanshaıymy Elızaveta II-niń Irlandııaǵa saparmen kelýine bir kún qalǵanda aldy alynǵan. Keshe belgili bolǵanyndaı, Londonnyń ortalyǵynda da jarylys jasaý daıyndalǵan eken. Soltústik Irlandııa Birikken koroldiktiń quramynan áli shyqqan joq. Sondyqtan bolsa kerek, London men Dýblın arasyndaǵy qatynas onsha jaqsy emes.
Baqylaý-tekserý beketine shabýyl jasaldy
Amerıkalyq áskerı tikushaq Pákstan shekarasyna enip, oq jaýdyrdy. Sonyń saldarynan eki áskerı jaraqat alǵan. Bul jóninde keshe Reıter agenttigi habarlady.
Pákstandyq arnaıy qyzmet oryndarynyń keltirgen málimetteri boıynsha, 17 mamyrda erteńgilik áskerı tikushaq Soltústik Vazırıstan provınsııasy aýmaǵyndaǵy baqylaý-ótkizý beketine shabýyl jasaǵan. Al pákstandyq áskerıler oǵan qarsy avtomattan oq jaýdyrǵan. Sondaı-aq, Mıranshah qalasyndaǵy áskerı bazadan birneshe tikushaq áýege kóterilgen. Aýǵanstan tarapy bul oqıǵa jóninde eshnárse bilmeıtinderin alǵa tartýda.
***
Qysqa qaıyryp aıtqanda:
«Altyn» kompanııasynyń vıse-prezıdenti Antonına Babosıýkti qamaýdan bosatyp alý úshin onyń aǵaıyn-týystary 30 mıllıon rýbl jınap, Reseı joǵarǵy sotynyń esep-shotyna aýdardy.
Lıvııanyń astanasy – Trıpolıdi bombalaý kezinde shyqqan órtten qaladaǵy qaýipsizdik qyzmeti men jemqorlyqqa qarsy basqarmanyń ǵımarattary jalynǵa orandy.
Halyqaralyq valıýta qorynyń basshysy Domınık Stross-Kan Raıkers Aılend aralyndaǵy túrmege aýystyryldy.
Lıtva bıligi Reseıdiń tuńǵysh prezıdenti Borıs Elsındi nagradtaýy múmkin. Osyndaı usynyspen eldiń syrtqy ister mınıstrligi shyǵyp otyr.
Qytaıdan Sanıa – Novosıbırsk baǵyty boıynsha ushyp kele jatqan sharterlik «Boıng-759» jolaýshylar ushaǵy apatty jaǵdaıda Krasnoıarsk áýejaıyna qondy. Onyń bortynda 223 jolaýshy jáne 8 ekıpaj múshesi bolǵan.
Internet materıaldary negizinde ázirlendi.