Bıyl qazaq halqynyń dańqty uly, ataqty balýan Qajymuqan Muńaıtpasulynyń týǵanyna 140 jyl toldy. Osyǵan oraı balýandy eske túsirý maqsatynda el kóleminde kóptegen is-sharalar, buqaralyq sport jarystaryn ótkizý belgilenýde.
Qordy qurý jóninde bastamany balýannyń nemeresi Nurlan Qajymuqanov, nemere inisi Batyrhan Eskermesov kóterdi. Qordyń maqsaty – ataqty balýannyń ómir jolyn, sporttaǵy jetistikterin jurt arasynda keńinen nasıhattaý, ol jerlengen keseneni kútip-baptaý, kesene aınalasyn abattandyrý bolyp tabylady. Sonymen birge, qor balýan jaıly qalam tartyp júrgen qalamgerlerdi, sporttyq jarystarda jeńiske jetken jeńimpazdardy, zeınet jasyna shyqqan ataqty sport sheberlerin marapattaý sııaqty ıgi isterdi júıeli túrde atqarýdy kózdep otyr.
Qor quryltaıshylary balýannyń esimin ardaq tutatyn qoly ashyq, júregi jomart alash azamattaryn osy qordyń jumysyna qarjylaı qoldaý kórsetýge shaqyrady. Qol ushyn sozyp, ıgi nıet tanytqan jandar úshin qordyń esep-shotyn usynady:
Qajymuqan Muńaıtpasov atyndaǵy qaıyrymdylyq qory
RNN 582200043677
KBe 18
r/sch. KZ 798560000004450968
BIK KSJBKZKX
FSh AO «Bank Sentrkredıt»
Álseıit OSPANOV.
Ońtústik Qazaqstan oblysy,
Ordabasy aýdany.