Birqatar aýdandardyń ákimderi aýysty

Shyǵys Qazaqstan oblysy­nyń ákimi Berdibek Saparbaev óz ókimimen birqatar qalalar men aýdandar ákimderin aýys­tyrdy. Tarbaǵataı aýdany áki­mi qyz­metin atqaryp, ótken jylǵy sý tasqynyn joıýdaǵy qajyr­ly eńbegi úshin «Qur­met» ordenimen marapat­talǵan Manarbek Saparǵalıev endi ekonomıkasy órlegen Rıdder qalasyn bas­qar­maq. Al Tar­baǵataı aýdany­nyń ákimi bo­lyp buǵan deıin oblystyq qurylys basqarmasy qyzme­tinde ysylǵan, osy jer­diń týmasy Erlan Tekeshev ta­ǵaıyndaldy. О́ńir basshysy eke-ýin máslıhat depýtatta­rynyń aldynda tanys­tyrǵan kezde jańa kadrlardyń iskerlik qasıet­terine toqtalyp, olarǵa jańa mindetter júktedi. Uzaq jyldar Semeı qa­lasy ákiminiń orynbasary bol­ǵan Tur­synǵazy Mú­sá­pirbekov Abaı aýdanynyń, Katon­qaraǵaı aýdany ákiminiń orynbasary bol­ǵan Qalıhan Baıǵonysov Besqaraǵaı aýda­nynyń, Grıgorıı Akýlov Borodýlıha, al Aman­geldi Toq­tarov Shemonaıha aýdanynyń ákimi bolyp ta­ǵaıyndaldy. Sondaı-aq Semeı qalasy ákiminiń orynbasary qyzme­tinde bolǵan Serikqazy Orazalıev oblystyq qarjy bas­qarmasynyń bastyǵy qyz­me­tin atqarady. Ońdasyn ELÝBAI, Shyǵys Qazaqstan oblysy.