«...Kúnbatysty shań basqan,
Shań emes, qara qan basqan.
Tarsyl-kúrsil, qandy atys.
Kóp bilem dep bólýge,
Kóp kúlem dep ólýge
Jaqyn qaldy Kúnbatys...»
Maǵjan JUMABAEV.
Dúnıe tur dúbilip, Dem ala almaı jelikten. Qyrat-belder búgilip, Kúrsinedi nelikten? Tyńda osy bir «áýendi», O, Adamzat balasy. Saǵan ǵana táýeldi, Jer men kóktiń arasy. Aqıqatqa júginip, Aýyr syrdy shertemin. Qınalyp tur búginim, Qalaı bolmaq erteńim? Jumysy joq basqada, Kelispediń, kelistiń. Qunyqqandar aqshaǵa, Qyrǵyn qyldy jer ústin. Kúshti bolsań talan bar, Álsizderdiń – aty kem. О́ltirildi adamdar, Bostandyqtyń atymen. Topyrlaıdy tórinde, Basa-kóktep baı elder. Qulǵa aınaldy eriń de, Kúńge aınaldy áıelder. Tóndi jurtqa qaıǵy-muń, Tózbeseń de tózgeniń. Basyp aldy baılyǵyn, Kúsh kórsetip ózgeniń. Qarýy kóp, bir «erke», Alpaýyttar basyndy. Tartyp jeıdi kúni erteń, Aldyńdaǵy asyńdy. Keı jaǵdaıdy qııalap, Kórgennen soń sóz qyldyq. Beleń alyp qııanat, О́rship-aq tur ozbyrlyq. «Baıtal túgil bas qaıǵy», Jaqsyn meıli, jaqpasyn. Asyp-atyp tastaıdy, Bóten eldiń patshasyn. Ondaılaryn ózderi, Ádildik dep júr atap. Ot bop janǵan «kózderi», Keldi jerge bir apat. Aram pıǵyl dendedi, O, sumdyq-aı, sumdyq-aı. Adamdardyń sengeni, Sıynǵany bir Qudaı. Dúnıe tur dúrligip, Dem ala almaı jelikten. Kók aspanda kún kúlip, О́speıdi gúl nelikten? Ustatatyn emesteı, Zamannyń bul túlkisi. Keıde estiler kómeski, Sábılerdiń kúlkisi. Saǵat tili tynbaıdy, Tursa da álem kúrsinip. Qashanǵy adam tyńdaıdy Zeńbirektiń dúrsilin? О́shir zarly «áýendi», O, Adamzat balasy. Tek ózińe táýeldi, Jer men kóktiń arasy... Seıfolla ShAIYNǴAZY.