Áriptestik nyǵaıa túspek

Premer-Mınıstr Kárim Másimovtiń qatysýymen «Qazaqstan temir joly» UK» AQ prezıdenti Asqar Mamın men Eýropa qaıta qurý jáne damý bankiniń prezıdenti Tomas Mırov qýat únemdeý salasyndaǵy ózara áriptestik týraly memo­ran­dýmǵa qol qoıdy. Atalmysh qujat ulttyq tasymal­daýshy­nyń qýat únemdeý jáne janar-jaǵarmaıdy az tutyný arqyly aýaǵa kómirtegi qaldyqtaryn az shyǵarý arqyly ekologııalyq turaqtylyqty saqtaý jóninde uzaq merzimdi áriptestikti jalǵastyrýǵa arnaldy. Taraptar ınvestısııalyq baǵ­dar­lamany 100-200 mln. AQSh dol­lary kólemindegi qarjymen qamtýdyń joldaryn qaras­tyr­maq. Negizinen ınvestısııa jyl­jy­maly quramnyń janar-jaǵar­maı shyǵynyn avtomatty esepteý júıesin jasaý men ózge de qýat kózderin izdestirýge arnalǵan. Bu­ǵan  qosa olar QTJ qýat únem­deý men ekologııalyq talaptardy saqtaý máselesine qatysty dı­rek­tıvalyq-normatıvtik qujat­tardy jasap, qoldaný baǵytynda da áriptestik qarym-qatynas or­nat­paq. Ábdirahman QYDYRBEK.   QTJ-nyń qýat únemdeý ın­ves­tısııalyq baǵdarlamasy bı­yl­ǵy jyldyń aıaǵyna deıin tú­zilmek. Sońǵy birneshe jyldan beri EQDB «Qazaqstan temir jo­ly» UK» AQ-pen temir jol ın­fraqurylymyn ulǵaıtýǵa quny 350 mln. AQSh dollaryn quraı­tyn kelisim-shart jasasqan.