Alǵashqy joldama ıeleri anyqtaldy

Osy kúnderi Qazaqstan Tennıs federasııasy 7-9 shilde aralyǵynda Devıs kýbogynyń shırek fınaldyq matchynda Argentına quramasymen kezdesetin elimizdiń bas komandasyna qoldaý kórsetý maqsatynda jankúıerlerden quralǵan topty jasaqtaý úshin «Jankúıer, sen Argentınadaǵy oıynǵa kereksiń!» atty shara ótkizýde. Bul sharanyń maqsaty – jan­kúıerler arasynda Argentınaǵa arnalǵan joldamany ıelený úshin utys oıyndaryn ótkizip, sonda jeńimpaz atanǵandarǵa Býenos-Aıres qalasyna baryp-keletin bıletti, qonaq úı tú­birtegi men stadıonǵa kiretin bıletti tapsyrý. Keshe Astanadaǵy Tennıs fe­derasııasynyń keńsesinde osy aksııanyń aıasynda ótkizil­gen al­ǵashqy sharanyń qory­tyn­dy­sy jarııalanyp, Argentınaǵa jol­damany ıelengen eki jan­kúıer­diń esimi belgili boldy. Olar – Aral qalasynyń turǵyny Meırambek Shaljanov pen ast­ana­lyq Damır Orazov. Joldama ıelerimen kezdesýde UTF vıse-prezıdenti Ádil Bórlibaev atal­mysh aksııanyń erejelerimen ta­nystyryp, onyń qorytyn­dysy qalaı shyǵarylǵanynan habardar etti. Qazaqstan Tennıs federa­sııa­sy mundaı sharany elimiz quramasynyń Chehııa komanda­symen bolǵan sońǵy kezdesýinen keıin ótkizýdi qolǵa aldy. Qazir QTF elimizdiń bas komandasyn Devıs kýbogynyń shırek fınal­dyq matchynda qoldaý kórsetý úshin jankúıerlerdi Argentı­naǵa kóptep aparýdy maqsat etip otyr. Osyǵan baılanysty Tennıs federasııasy mamyr aıynan bastap ulttyq quramaǵa boly­syp, onyń oıyndaryn barynsha qoldaǵan jankúıerler arasynda Argentınaǵa joldamany jeńip alýǵa arnalǵan túrli sharalar ótkize bastady. Mundaı sharalar aldaǵy kezde de jalǵasady. Al Devıs kýbogynyń shırek fınal­dyq oıyndaryna arnalǵan alǵash­qy joldama Qazaqstan men Chehııa quramalarynyń arasynda ótken kezdesýde otandastary­myz­ǵa eń kóp qoldaý kórsetken jan­kúıer­lerge berildi. Osy oıyn kezinde jáne odan keıin www.sport.kz saıtynda Argentınaǵa joldama alǵan Meıirjan Shaljanov pen Damır Orazov komandamyzǵa eń kóp qoldaý kórsetken eken. Buǵan deıin Beeline kompa­nııa­sy men Tennıs federasııa­synyń uıaly baılanys operatory men BAQ ókilderi arasynda 7-9 shilde kúnderi Býenos-Aıreste ótetin match­ty tamashalaý úshin konkýrs­tyń jarııalanǵanyn ha­bar­laǵan­byz. Onyń erejesin taǵy da es­terińizge sala ketsek, BAQ ara­syn­daǵy konkýrstyń jekelegen nomınasııasynda mer­zimdi bas­pa­sózde jáne te­leefırde 2011 jyl­dyń 5-27 mamyr kúnderi aralyǵynda shyqqan eń úzdik materıal­dar­dyń eki avtory je­ńimpaz bo­lyp tanylady. Koman­dalyq nomınasııada BAQ ara­synda eki redaksııa tańdap aly­nady. Munda 2010 jyldyń jel­toqsan aıy­nan bastap, 2011 jyl­dyń 27 mamyryna deıin otandyq aq­parat quraldarynda tennıs tý­raly eń kóp jazǵan ujym jeńimpaz atanady. Al Beeline abonentteri ara­synda ótetin baıqaýda 5-27 ma­myr kúnderi aralyǵynda dema­lystardy eseptemegende kún saıyn www.beeline.kz men www.ktf.kz saıttarda, kompanııanyń  Facebook, Vkontakte jáne twitter áleýmettik jelilerindegi resmı toptarynda tennıs týraly qo­ıylǵan eki suraqqa jáne ko­n­kýrstyń qorytyndysyndaǵy 34 suraqqa eń kóp jaýap bergen bir abonent Devıs kýbogynyń shırek fınaldyq kezdesýin tamashalaý úshin tegin bıletke ıe bolady. Dastan KENJALIN.