Jas mamandar jármeńkesi ótti

M.Áýezov atyndaǵy Ońtústik Qazaqstan memlekettik ýnıversıtetiniń    kóptegen stýdentteri dıp­lomyn alǵannan keıin qaı jerde jáne qandaı qyzmette jumys isteıtindigin jaqsy biledi. Bul ju­mys ýnıversıtette jasalǵan «joǵary oqý orny - kásiporyn» seriktestigi arqasynda júzege asy­rylady. Osy baǵdarlamaǵa sáıkes OQMÝ-da kásip­oryndar  men ýnıversıtet arasynda tyǵyz baıla­nys ornaǵan, ıaǵnı óndiristik kásiporyndar joǵary bilikti kadrlar daıarlaýda úlken kómek kórsetedi. Bul degenińiz, joǵary oqý ornyn bitirýshi árbir túlektiń aldynda – jaqsy, bedeldi jumys tabýmen qatar keleshekte ózin-ózi  qamtamasyz ete alý múm­kindigi bar degen sóz. Jumys izdep, kásip­oryn­dar men mekemelerge barý kóp ýaqytty talap etedi jáne de jas mamandardy bos oryndarǵa jumysqa ornalastyratyn uıymdar men kompanııalardyń basshylarynyń qabyl­daýynda bolýdyń ózi óte qıyn másele.  Sol sebepten, bitirýshi túlekterdiń ju­mysqa ornalasý máselelerin jeńildetý maq­satyn­da OQMÝ-da ekonomıkanyń basym sektor­laryn bitirýshilerdi jumysqa ornalastyrý úshin jyl saıyn  bos oryndar jármeńkesi ótedi. Ústimizdegi oqý jylynda  da M.Áýezov atyn­daǵy Ońtústik Qazaqstan memlekettik ýnıversıteti  «Jas maman – 2011» bitirýshi túlekterdi ju­mys­qa ornalastyrý jármeńkesin ótkizdi. Bıylǵy oqý jylynda ýnıversıtetti 80 maman­dyq boıynsha 3294 túlek bitirgeli otyr. Onyń  2178-i memlekettik grant ıegerleri,  onyń ishinde 493 stýdent 30%-dyq aýyl kvotasymen, al 1116-y  kelisim-shart boıynsha bilim alyp jatqandar. Bitirýshilerdi jumysqa ornalastyrý úshin bos oryndardy anyqtaý maqsatynda jumyspen qamtý men áleýmettik baǵdarlamalardy úılestirý jónin­degi basqarmaǵa, OQO bilim basqarmasy men aýyl­sharýa­shylyǵy basqarmasyna suranys hattar jiberilgen. Pedagogıkalyq mamandyqtar boıynsha 178 bos oryn, tehnıkalyq jáne ınjenerlik baǵyttar boıynsha: Kazfosfat JShS-nen 15, «KazAtomprom» UAQ-nan  – 9, OQO aýylsharýashylyǵy basqarmasy­nan agroónerkásiptik baǵytta – 422 bos orynǵa sura­nystar kelip tústi. «Jas maman – 2011» jármeńkesi barysynda jumys berýshiler bitirýshi túlekterdi bos oryn­dar jáne qazirgi eńbek naryǵynda qajetti ma­mandarǵa qoıylatyn talaptar men jas maman­dar­dy jumysqa qabyldaý erejelerimen tanys­tyrdy. Júrgizilgen is-sharalar nátıjesinde jumys berýshilerden:   pedagogıkalyq baǵyttaǵy maman­dyq­­­tarǵa – 84, gýmanıtarlyq baǵyttaǵy maman­dyqtarǵa – 62, ekonomıkalyq baǵyttaǵy maman­dyqtarǵa – 68, tehnıkalyq jáne tehnologııalyq baǵyttar boıynsha – 295, jalpy alǵanda, jár­meńke qorytyndysy boıynsha  509 bos orynǵa usynys berildi. Jármeńkege qatysqan jumys berýshiler 1000-nan astam bitirýshilerdiń túıindemelerin iriktep aldy. Elbasymyzdyń Joldaýynda «Jastar – bizdiń bolashaǵymyzdyń negizi, sondyqtan olar óz bola­shaǵyn qurýdyń jańa múmkindikterine qol jetkizedi» delingen. Halyqty jumyspen qamtýdyń 2011 – 2020 jyl­darǵa arnalǵan baǵdarlamanyń negizgi maqsaty – jumyssyzdar sanyn azaıtý, olar­dyń tu­raq­ty jáne nátıjeli jumys oryndaryna ıe bolýyna jár­dem­desý arqyly halyqtyń tabysyn arttyrý bo­lyp ta­bylady. Elimizdiń ekonomıkasy damyǵan saıyn mem­­lekettiń áleýmettik salada ustanǵan saıasaty da bar­ǵan saıyn tereńdep, qanatyn keńge jaıyp keledi. Osyndaı basym múmkindikterge ıe, tereń bilimmen qarýlanǵan oqý ornynyń túlekteri M.Áýezov atyndaǵy Ońtústik Qazaqstan memlekettik ýnıversıtet qabyrǵasynda uıymdastyrylǵan «Jas maman – 2011» jármeńke kómegimen óz mamandyqtary bo­ıynsha jumysqa ornalasyp, Qazaqstannyń ór­ken­deýi­ne, ekonomıkamyzdyń órleýine óz úlesterin qosatyny anyq. Sara NAZARBEKOVA, M.Áýezov atyndaǵy OQMÝ oqý-ádistemelik basqarma dırektory. Shymkent.