Mádenıet máseleleri sóz boldy

Qazaqstan Respýblıkasynyń Mádenıet mınıstri Muhtar Qul-Muhammed óziniń qytaılyq áriptesi Saı Ý-men kezdesý ótkizdi, dep habarlady Mádenıet mınıstrliginiń baspasóz qyzmeti. Onyń barysynda máde­nıet salasynyń ekijaqty qa­rym-qa­ty­nasyna qatysty bir­qa­tar má­se­le qaras­ty­ry­lyp, talqy­landy. Sonymen qatar, eki jaq Shanhaı ynty­maq­tastyq uıy­my sheń­be­rin­de mádenı baı­­la­nystardy odan ári nyǵaıtýdyń mańyz­dy­lyǵyn atap kórsetti. M.Qul-Muhammed máde­nıet mem­leket jáne til she­­karasyn moı­ynda­maı­tyn birden-bir sala ekenin atap ótip, mýzeı isi sala­syn­daǵy ekijaqty qarym-qaty­nas­t­y jana sapaly deńgeıge shy­ǵarý qajet­ti­gine toqtaldy. Qa­zaq­stan óziniń tarıhyn kórshiles jatqan Qy­taıdyń tarıhy­men sabaqtastyqta qa­raı­tyndyǵyna nazar aýdar­dy. Qytaılyq meıman óz kezeginde mádenı jáne rýhanı baı­lanystardyń odan ári nyǵaıa beretindigine senim bildirip, kınematografııa, má­denı jáne tarıhı mańy­zy bar eskertkishterdi saq­taý, mýzeı isi salasy boı­yn­sha qa­rym-qatynastardy jan­dandyra túsý qajet­tigine basa nazar aýdardy.