Jylý: Derek pen dáıek

«Qys shanańdy jaz saıla» degen támsildi basshylyqqa alǵan qyzylordalyqtar aldaǵy jylý maýsymynyń qareketine osy bastan kirisip ketti. Atap aıtqanda, aldaǵy jylý maýsymynda qa­jet­ti otyn qoryn satyp alý úshin 5,5 mıllıard teńge qarasty­ry­lyp jatyr. Bul somaǵa 46,2 sha­qyrym sý-káriz júıeleri, 20,2 sha­qyrym jylý jelileri, 12 úl­ken qazan­dyqqa jóndeý jumys­ta­ry júrgi­ziledi. Sonymen qatar 78,5 myń tonna qatty otyn, 57,6 myń tonna suıyq otyn satyp alynady. Budan bólek, oblys boıynsha 71 kishi qazandyq jóndeý ju­mys­taryn qajet etedi eken. Sondaı-aq 301 bilim mekemesine, 338 den­saýlyq saqtaý ortalyǵyna, 277 má­denıet nysanyna jáne 543 tur­ǵyn úıge jóndeý júrgizý jos­parlanyp otyr. Taǵy bir aıta keterligi, bú­gin­de Qyzylorda qalasy boıynsha kommýnaldyq tólem qaryzdary 1,4 mıllıard teńgege jetken. Onyń 519 mıllıon teńgesi tur­ǵyn­dardyń moınynda bolsa, qal­ǵany jylý ortalyqtaryna tıesili eken.

Erjan BAITILES, Qyzylorda.

8,1 mlrd. teńge óńirde údemeli ındýstrııalyq-ınnovasııalyq damý baǵdarlamasy boıynsha  jalpy quny osynsha qarjy bolatyn 8 jobany  júzege asyrý kózdelgen. Memleket basshysynyń jol­daý­­larynda ındýstrııalyq-ın­no­va­sııalyq damý baǵdarlamasy ar­qyly óndiristi órkendetýge aı­ryqsha kóńil bólinip keledi. О́t­ken jyly óńirde osy baǵytta iske qosylǵan irgeli kásip­oryn­darda jańa jumys oryndary ashy­lyp, halyqtyń kúnkórisi aı­tar­lyqtaı jaqsara tústi. Solar­dyń qatarynda qurylysy qar­qyndy jalǵasqan respýblıkalyq kartadaǵy «Moınaq» sý elektr stansasy men Jetigen – Qorǵas te­mir jol jelisiniń aǵymdaǵy jyly el ıgiligine beriletini qýanyshty. Táýelsizdik mereıine arnal­ǵan tolymdy tartýlardyń qata­ryn­da ındýstrııalyq-ınnova­sııa­lyq baǵdarlama aıasynda jalpy quny 8,1 mlrd. teńge bolatyn 8 ın­vestısııalyq jobany oryndaý kún tártibine qoıylǵan. Baǵ­dar­lamanyń tııanaǵy keltirilgende, jańa jumys oryndary ashylady jáne onyń óńir ekonomıkasyna tyń serpin qosatyn bolady.

Kúmisjan BAIJAN, Almaty oblysy.

200 000 000 Rýdnyı joldaryna osynsha teńge bólinedi. Buryn  Rýdnyı qalasyndaǵy ishki joldardy jamap-jasqaýǵa jyl saıyn 15-20 mıllıon teńge bólinetin. Al bıyl osy maqsat jolynda  200 mıllıon teńge ıgerilmek. Qalanyń biraz jyl­dar­dan beri jóndeý kórmeı, oıylyp ketken joldarynyń barlyǵy  qal­pyna keltiriledi.  Bul qala kórkin arttyrýmen qatar, kólik pen júrginshilerge qolaılylyq ta týǵyzady. О́tken jyly jazda qalanyń  qaq ortasyndaǵy  uzyn kóshe jóndelgen bolatyn. Sonymen qatar, qaladaǵy  jy­lý  qubyrlary da jamaýǵa zárý bolyp tur.  Qalanyń orta­lyq jylý qubyryn jóndeýge ob­lys bıýdjetinen qomaqty qarjy bólindi. Sokolov-Sarybaı ken ón­dirý birlestigi ishki kóshe­ara­lyq jylý qubyrlaryn   qalpyna keltirýdi óz moınyna alyp otyr.  О́ndiris alyby osy maqsatqa 200 mıllıon teńge qarastyryp ta qoıdy. Jaz boıy kenshiler qalasynyń  kósheleri jóndeý-qurylys alańyna aınalady.

Názıra JÁRIMBETOVA, Rýdnyı.