Maqsat – mádenı keńistik qalyptastyrý

Keshe elordadaǵy «Radisson SAS» qonaq úıinde Astana Eýrazııalyq ekonomıkalyq qaýymdastyǵy ıntegrasııa­lyq komıtetiniń mádenıet jónindegi keńesiniń II otyrysy ótti. Májiliske EýrAzEQ-ke múshe mem­leket­ter­diń mádenıet mınıstrleri men oryn­basarlary qatysty. Jıynǵa qatysqan qo­naqtardyń ishinde Tájik­stan, Qyrǵyzstan jáne Qazaq­stan boıynsha Almatydaǵy IýNESKO-nyń klasterlik bıý­rosynyń ókilderi de boldy. Májilisti Eýrazııalyq eko­nomıkalyq qaýymdastyǵy In­tegrasııalyq komıte­ti­niń tór­aǵa­sy Aleksandr Avdeev ash­ty. Al alǵashqy sóz kezegin alǵan QR Mádenıet mınıstri Muhtar Qul-Muhammed óz só­zin­de: «EýrAzEQ Inte­gra­sııalyq komıte­ti­niń keńesi Qa­zaqstan Prezıdenti Nur­sultan Nazarbaevtyń qoldaýymen eli­mizde ekinshi ret ótkizilip otyr.  О́tken jyly iri halyq­aralyq uıymǵa tóraǵalyq etken Qazaqstan bul joly Islam konferensııasyna tóraǵa­lyq etpek. Bul rette, osy jerde sizderdi qabyldap, kezekti otyrysty ótkizip otyr­ǵanymyzǵa qýanyshtymyz», – deı kele ol jyl saıyn elimizde halyqaralyq konkýrstar, teatr festıvalderi, «Eýrazııa» kınofestıvali ótip tu­ratynyna, jýyrda ǵana onyn­shy Máskeý Pashaldi festıvali sheńberinde Sankt-Peter­býrgtegi V.Gergıev jetekshilik etetin Marııa teatrynyń sım­fo­nııa­lyq orkestriniń keshi Astana men Almaty qala­la­rynda ótkendigine toqtaldy. Odan ári ol qonaqtardy keshke qaraı «Qazaq­stan» ortalyq konsert zalynda ótetin ShYU-ǵa múshe memleket­teri­niń О́ner fes­tıvaline, sondaı-aq EýrAzEQ halyq­ta­ry máde­nıetteri II festıvaliniń ashy­lý saltanatyna qatysýǵa sha­qyrýdy da umytpady. Budan soń májiliste Eýrazııa ekono­mıkalyq qaýym­das­ty­ǵy Integrasııalyq komıtetine múshe memleketterden kel­gen mádenıet ókilderi keleli máselelerdi ortaǵa sa­lyp, onyń sheshý joldaryn qa­ras­tyrdy. Onda EýrAzEQ múshe memle­ket­terdiń máde­nıet salasyna baılanysy tý­raly kelisim jobasy, joba­nyń  negizgi baǵyttary men olar­dy júzege asyrý jolda­ry, EýrAzEQ halyqtarynyń II Mádenıet festıvali,  EýrAzEQ In­te­gra­sııa­lyq ko­mı­­tetiniń hatshylyǵymen óz­ara túsinistik týraly me­mo­randýmnyń oryn­dalý barysy týraly sóz boldy. Sondaı-aq, BUU bilim, ǵylym jáne mádenıet jó­nindegi (IýNESKO) hatshylyǵymen ara­daǵy mádenıet salasyna qatysty máse­le­lerge baılanysty da áńgime qozǵaldy. Jáne Keńestiń is-josparynyń strate­gııa­lyq   baǵyt-baǵdary talqylanyp, qo­ǵam­dastyqtyń jalpy mádenı keńistigin qalyp­tastyrýǵa baǵyttalǵan mádenıet salasy boıynsha ıntegrasııalanýdyń naqty mehanızmderin anyqtaý máselesi de sóz boldy. Juldyz BAIDILDA.