Palata otyrysynyń kún tártibi bekitildi

Parlament Májilisiniń Tóraǵasy Oral Muhamed­ja­novtyń jetekshiligimen palata bıýrosynyń kezekti oty­ry­sy ótti. Onda aldaǵy aptada Májilistiń jalpy otyrysyna shy­ǵarylatyn máseleler saralandy. Palatanyń Halyqaralyq ister, qorǵanys jáne qaýipsizdik komıteti birneshe zań jobasy depýtattardyń talqysyna shyǵa­rylatynyn habarlady. Olardyń arasynda Qazaqstan Respýb­lı­ka­sy men Fransýz Respýblıkasy, sondaı-aq Qazaqstan Respýblıka­sy­nyń Úkimeti men Reseı Fede­rasııasynyń Úkimeti arasyndaǵy kelisim men hattamany bekitýdi kózdeıtin zań jobalary bar. «Zııat­kerlik menshik quqyqtaryn qor­ǵaý men saqtaý salasyndaǵy bir­yńǵaı retteý qaǵıdattary tý­raly kelisimdi ratıfıkasııalaý týraly», «Keden odaǵy sheń­be­rindegi daýlar boıynsha sharýa­shy­lyq júrgizýshi sýbektilerdiń Eýrazııa ekonomıkalyq qoǵam­das­tyǵynyń sotyna júginýi jáne olar boıynsha sot isin júrgizý erekshelikteri týraly shartty ratıfıkasııalaý týraly», «Qazaq­stan Respýblıkasy men Ha­lyq­aralyq Qaıta qurý jáne damý banki arasyndaǵy Qaryz týraly kelisimdi (Tehnıkalyq jáne kásiptik bilim berýdi jańǵyrtý jo­basy) ratıfıkasııalaý týra­ly» zań joba­lary da kún tár­tibine engizildi. Áleýmettik-mádenı damý komıteti «Halyqtyń kóshi-qony týraly» jáne keıbir zańnamalyq aktilerge halyqtyń kóshi-qony máseleleri boıynsha túzetý engizýdi kózdeıtin zań jobalaryn ekinshi oqylymda kún tártibine engizýge daıyn ekenin málimdedi. Sonymen qatar, Zańnama jáne sot-quqyqtyq reforma komıteti qoldanystaǵy zańdarǵa qylmystyq jáne qylmystyq is júrgizý zańna­masyn jetildirýdi qarastyratyn zań jobasyn ekinshi oqylymda talqyǵa salýdy usynyp otyr. «Egemen-aqparat».