Qurylys isindegi yqpaldastyq yńǵaıy

Astanada TMD memleket­te­ri­niń salalyq mınıstrlikteri men vedomstvo basshylarynyń qaty­sýy­men Táýelsiz Memleketter Dos­tastyǵy elderiniń qurylys qyzmetindegi yntymaqtastyq jó­nindegi úkimetaralyq keńesiniń XXXI májilisi ótti. Atalmysh jı­ynda elimiz tarapynan Qury­lys jáne turǵyn úı-kommý­nal­dyq sharýashylyq isteri agent­ti­giniń tóraǵasy Serik Nokın baıandama jasady. Úkimetaralyq keńes otyry­syn­da ǵımarattar men qury­lys­tardyń energetıkalyq tıimdiligin qamtamasyz etý salasyndaǵy normatıvtik quqyqtyq bazany da­mytý jáne jetildirýmen qatar qurylystaǵy tehnıkalyq retteý de áńgime boldy. Sondaı-aq, TMD elderiniń lısenzııalaý organdary qurylys qyzmetin júzege asy­rýǵa bergen lısenzııany jáne Re­seıdiń ózin-ózi retteıtin uıym­dary bergen ruqsattar týraly kýálikterdi ózara taný máselesi sóz bolyp, qurylys ónimderiniń qunyn esepteýdi ońtaılandyrý úshin normatıvtik-ádistemelik qu­jat­tardyń biryńǵaılanǵan júıe­sin jasaý sekildi taqyryptar áńgime ózegine aınaldy. Jıyn barysynda jýrnalısterge suhbat bergen Qurylys jáne turǵyn úı-kommýnaldyq sha­rýashylyq isteri agenttiginiń tóraǵasy Serik Nokın salada búgingi tańda basty másele bolyp otyrǵan eýrokodtardy engizý ekenin aıtsa, al ekinshi másele bizdiń qurylysshylar ózge TMD elderine jumysqa barǵanda Qazaq­stan­da berilgen ózimizdiń lısen­zııa­lardy olarda qabyldaý qajet­tiligi bolyp otyrǵandyǵyn tilge tıek etti. Jańa qurylys salasy men turǵyn úıler ǵımarattaryn jón­deý jumystary qaı kezde de kún tártibine jıi shyǵatyn máse­le­lerdiń biri. Sondyqtan da, bas­qo­sýda taqyrypqa oraı kóterilgen kóptegen túıtkildi máseleler taraptardyń ózara tájirıbe al­masýlaryna zor múmkindik bergendeı. Aldaǵy ýaqytta otandyq qurylys kompanııalarynyń TMD elderine ortaq lısenzııamen ju­mys isteý múmkindigine qol jetkizý sharalary da osy otyrysta qa­ras­tyrylǵan. Ábdirahman QYDYRBEK.