Munda kásiporyn ashý qıyn

Astana qalasynda ótip jatqan Dúnıejúzi qazaqtarynyń IV qu­ryltaıy aıasynda 35 elden kelgen baýyrlarymyzdyń qaty­sýy­men birqatar mınıstrlikterde dóńgelek ústelder bolyp ótti. Sonyń biri «Qazaq dıaspora­sy­men bıznes yntymaqtastyǵy» taqyrybynda Ekonomıkalyq damý jáne saýda  mınıstrliginde ótti. Oǵan Ekonomıkalyq damý jáne saýda vıse-mınıstri Marat Qusaıynov, «Damý» kásipkerlikti damytý qory» AQ vıse-prezıdenti Bekjan Qalıbekov jáne shet elden kelgen kásipkerler qatysty. Aldymen vıse-mınıstr qys­qa­sha Qazaqstannyń ekonomıka­lyq damýyna toqtalyp ótip, ony damytý barysynda qabyldanyp jatqan zańdar men memleket ta­ra­pynan kórsetiletin kómek tý­raly aıtyp berdi. Alaıda alystan kelgen baý­yr­larymyzdy ShOB-qa memleket ishinde jasalyp jatqan qamqor­lyq­tan ózge, shet elden keletin ká­sipker qazaqtarǵa qandaı je­ńil­dikter jasalatyndyǵy qyzyq­tyrdy. Ekonomıkalyq damý jáne saýda mınıstrimen kezdese alma­ǵan­daryna renishterin jetkizgen olar óz oılaryn ortaǵa saldy. О́ıtkeni bul quryltaıǵa elimizdegi barlyq isimizdi tastap kelgendegi maqsat iship-jep qaıtý emes, Elbasy aıtqandaı, naqty is­terge qol jetkizip qaıtý. Sony­men qatar yńǵaıy tússe, Qazaq­stan­men iskerlik áriptestikti jol­ǵa qoıý oıda bar. Árıne, qu­ryl­taıda ótken qysqa ýaqyt ishinde birtalaı is tyndyryp alý qurǵaq sózben bite qoımas, bizge naqty másele sheshe alatyn kisi kerek, deıdi olar. Mysaly Fransııadan kelgen Mehmet Zengın esimdi kásipker qandasymyz mynadaı ýáj keltirdi. Meniń Fransııada, Italııada, Túrkııanyń 4 qalasyn­da úlken-úlken toqyma óndirisim, dúkenderim bar. Bul salada 30 jyldyq tájirıbem bar. Eýro­pa­nyń kez kelgen eline bıznes ashý­ǵa barsańyz, qýana-qýana qarsy alady. О́ıtkeni ıgilikterine ja­raı­tynyn biledi. Alaıda men muny Qazaqstannyń bir qalasy­nan asha almaı otyrmyn. Is bastaý qıyn. Nege? Men aqsha surap otyrǵan joqpyn ǵoı. Men jaı ǵana jol ashyp berýdi suraımyn, ári qaraı ózimiz áketemiz.   Fransııada qujattaryńyzdy eki kúnde bitirip beredi. Túrkııada da solaı. Álem ekonomıkasy da solaı. Biz deldalsyz istegimiz keledi. Onyń ústine aqshadan taryǵyp otyrǵa­ny­myz joq. Áıtpese altyn shyq­qan jerdi belden qazyp, syrt elde júre berýshi edik qoı. Alaıda Qazaqstanǵa shyn júregimizden ne isteı alamyz, ne bere alamyz degen oı mazalaıdy. Quryltaıǵa da osy maqsatpen keldik, deıdi Mehmet Zengın. Dóńgelek ústelde kásipker­lik­ti ashý isiniń úlken másele ekendigi aıqyn boldy. Muny Qytaıdan, Germanııadan, О́zbekstannan kelgen baýyrlar biraýyzdan maqul­da­dy. Eshqandaı deldalsyz, tikeleı memleketpen jumys isteýdi jón kóretin baýyrlastar keder­gi­niń kóp ekendigine qynjylady eken. Venera TÚGELBAI.