Qanaǵattanarlyq jaýap aldy

Dúnıejúzi qazaqtarynyń quryltaıyna qatysýǵa kelgen qandastarymyzdyń Aýyl sharýashylyǵy mınıstrligi jaý­ap­ty qyzmetkerlerimen ótken dóńgelek ústel basyndaǵy kezdesýinde olardy tolǵandyryp otyrǵan birqatar máselelerge naq­ty jaýaptar berildi. Dóńgelek ústeldi ashyp júr­giz­gen Aýyl sharýashylyǵy mı­nıs­triniń orynbasary Marat Ora­­zaev sóz tizginin qaralyp otyr­ǵan má­se­le­lerge aýdardy. Munda qan­das­tarymyzdan túsken saýaldar al­dyn-ala jınaqtalyp, oǵan jaýap berý úshin qajetti laýazymdy tulǵalar shaqyrylǵan eken. Alǵashqy úsh saýal «Nurly kósh» baǵdarlamasyna Aýyl sha­rýa­shylyǵy mınıstrligi qandaı deńgeıde qatysady degen taqy­ryp­qa arnalypty. Oǵan jaýap bergen Aýyldyq aýmaqtar ister jónindegi komıtet tóraǵasy Sanat Tuńǵyshbekov «Nurly kósh­tiń» negizgi úılestirýshisi Eńbek jáne halyqty áleýmettik qorǵaý mınıstrligi ekendigin aıta kele, Aýyl sharýashylyǵy mınıstrligi osy baǵdarlamaǵa qatysatyn Qa­zaq­stan Respýblıkasy azamat­ta­ry­nyń kóshi-qon máselesin qaras­ty­ratyndyǵyn aıtty. Sondyq­tan osy saýalǵa baılanysty tý­yn­daǵan birneshe ótinish pen másele atalǵan mınıstrlikke jol­danatyn boldy. Sondaı-aq qandastarymyzdy repatrıanttardy aýyldyq jerge beıimdeýge arnalǵan naqty jospar bar ma, dıplommen aýylǵa barǵan oralman jastarǵa qandaı qamqorlyq kórsetiledi degen su­raq­tar da tolǵandyratyn bolyp shyqty. Bul suraqtarǵa berilgen jaýapta osydan biraz ýaqyt buryn Elbasynyń tapsyrmasymen dıp­lommen aýylǵa barǵan áleý­met­tik sala qyzmetkerlerine 70 aı­lyq eseptik kórsetkish (100 myń teńgeniń ústinde) kóleminde bir rettik kóterme járdemaqy berý, sonymen qatar úı satyp alý­la­ry­na 15 jyldyq merzimge syı­aqy stavkasy bar bolǵany 0,1 paıyzdy ǵana quraıtyn jeńil­dik­ti nesıe berý máselesi zań negizinde sheshilgeni aıtyldy. Osy jeńildikti qazirgi kúni dıplommen aýylǵa barǵan oralman jastar da paıdalanyp otyr eken. Má­selen, Soltústik Qazaqstan ob­lysynda – 18, Shyǵys Qazaq­stan oblysynda – 7,  Mańǵystaý oblysynda  14  oralman jastyń osyndaı qamqorlyqqa ıe bol­ǵan­dyǵy naqty derektermen keltirildi. Mundaı qamqorlyq basqa oblystarda da jasalýda. Osy rette О́zbekstannan kelgen qandasymyz qazirgi kúni dıp­lommen aýylǵa barǵan jas­tar­dyń arasynda joǵarydaǵydaı qam­qorlyqqa tek áleýmettik sala qyzmetkerleri ǵana ıe bolyp, al sharýashylyqta eńbek etýge ba­rý­shylar odan tysqary qalǵan­dy­ǵyn aıtyp, endi osyndaı shara agronomdarǵa, zootehnıkterge, ın­jenerlerge de kórsetilse degen usynysyn jetkizdi. Buǵan berilgen jaýapta jo­ǵa­rydaǵy tizimge aýyldaǵy sura­nys­qa baılanysty mal dári­ger­leri engizilgendigin, munan keıingi kezekte agronomdar men fıtosanıtarııa qyzmetkerleri jáne basqa da mamandyq ıeleri tur­ǵan­dyǵyn, osylaısha bul másele jergilikti jerdegi  jeke sha­rýa­shylyq ıelerimen kelisim negizinde  odan ári sheshile beretindigi aıtyldy. Oralmandar joǵarydaǵy zań aıasynda aýylǵa barǵandarǵa mal men jer de berilse degen óti­nish­terin jetkizdi. Mınıstrliktegiler zań boıynsha  aýylǵa barǵan­darǵa memleket óz tarapynan tıisti qarjylaı kómekti beretindigin, sonymen qatar keıbir jerlerde jergilikti bılik organdary soǵan qosymsha retinde mal men jer de berip jatqandyǵyn jetkizdi. Sóıtip, bul másele negizinen alǵanda jergilikti atqarý organdarynyń quzyryna jata­tyndyǵy túsindirildi. Mońǵolııadan kelgen qandas­ta­rymyz ózderiniń Qazaqstanǵa mal alyp ótkileri keletindikterin aıt­ty. Bul ótinishke berilgen jaýapta atalǵan máseleniń kóp­ten beri qarastyrylyp kele jat­qandyǵy, alaıda oǵan Reseıdiń qatysýymen úshjaqty kelisim negizinde ǵana qol jetkizýge bola­tyn­dyǵy, al ázirge bul máselege Reseı tarapy­nyń Mońǵolııada túrli mal aýrý­lary kóp ekendigin aıtyp, olardy óz jerine ótkizýge ruqsat bermeı kele jatqandyǵy túsindirildi. Suńǵat ÁLIPBAI.