Yqpal etý tetigi kúsheıtilýi tıis

Parlament Májilisiniń Zańnama jáne sot-quqyqtyq reforma komıteti EQYU-nyń Astanadaǵy ortalyǵy men «Nur Otan» HDP-nyń Parlamenttegi jáne máslıhattardaǵy zańnamalyq jáne norma shyǵarmashylyq qyzmeti jónindegi komıssııasymen birlesip «Qazaqstan Respýblıkasynyń keıbir zańnamalyq aktilerine uıymdasqan qylmysqa qarsy is-qımyl máseleleri boıynsha ózgerister men tolyqtyrýlar engizý týraly» zań jobasy boıynsha shet el sarapshylarynyń qatysýymen halyqaralyq dóńgelek ústel ótkizdi. Bul sharany ótkizýdegi maqsat uıymdasqan qylmys túrlerine qarsy kúrestegi memlekettik yq­pal etý mehanızmderin kúsheıtý, onymen kúrestiń jańa túrleri men ádisterin engizý, onyń ómir súrýin qarjylandyrýynyń qaı­nar kózderin joıý, sondaı-aq onda memlekettik qyzmetkerlerdiń qatys­ty bolý faktilerin anyqtaýdy qarastyrǵan joǵaryda atalǵan Ishki ister mınıstrligi jasaǵan zań jobasyn talqylaý boldy. Dóńgelek ústelge zań jobasy boıynsha jumys tobynyń jetekshisi, Májilis depýtaty, zań ǵy­lym­darynyń doktory Nıkolaı Týreskıı moderatorlyq etti. Zań­nama jáne sot-quqyqtyq reforma komıtetiniń tóraǵasy, fraksııa jetekshisiniń orynbasary, «Nur Otan» HDP-nyń Parlamenttegi jáne máslıhattardaǵy zańnama­lyq jáne norma shyǵarmashylyq qyzmeti jónindegi komıssııanyń Tóraǵasy Rahmet Muqashev pen EQYU-nyń Astanadaǵy ókildigi basshysynyń orynbasary Jannet Klıotser betashar sóz sóıledi. Ishki ister mınıstriniń oryn­ba­sary Amantaı Áýbákirov «Qa­zaq­stan Respýblıkasynyń keıbir zań­namalyq aktilerine uıym­das­qan qylmysqa qarsy is-qımyl má­seleleri boıynsha ózgerister men tolyqtyrýlar engizý týra­ly» zań jobasynyń tusaýkeser baıandamasyn jasady. Zań jobasy Memleket bas­shy­synyń 2009 jylǵy 6 naýryzdaǵy Qazaqstan halqyna Joldaýyn iske asyrý boıynsha jalpyulttyq is-sharalar josparynyń 45-tar­ma­ǵyn oryndaý úshin ázirlengen. Zań jobasy bıylǵy jyldyń 18 mamyry kúni Májilistiń jalpy otyrysynda birinshi oqylymda maquldanǵan bolatyn. Dóńgelek ústelge Grýzııa Bas prokýratýrasy basqarmasynyń aǵa prokýrory Natıa Songýlashvılı qatysyp, «Grýzııa jáne qylmys álemi: quqyqtyq jáne tá­jirıbelik aspektiler» degen ta­qyrypta sóz sóıledi. Zań jo­ba­syn talqylaý barysynda depýtattar N.Ábdirov, Sh.Myr­zah­me­tov, U.Eleýbaev, N.Sabılıanov zań jasaýshylarǵa suraqtar qoıdy.