Kún tártibi saralandy

Keshe Parlament Májilisiniń Tóraǵasy Oral Muhamed­janovtyń jetekshiligimen palata bıýrosynyń kezekti oty­ry­sy ótti. Onda aldaǵy aptada Májilistiń jalpy otyrysyna shyǵarylatyn máseleler sarapqa salyndy. Palatanyń Halyqaralyq ister, qorǵanys jáne qaýipsizdik komıteti birneshe zań jobasy de­pýtattardyń talqysyna shyǵa­ry­latynyn habarlady. Atap aıt­qanda, olardyń arasynda «Qar­jy naryqtarynda kapıtaldyń erkin qozǵalysyn qamtamasyz etý úshin jaǵdaı jasaý týraly ke­lisimdi ratıfıkasııalaý týra­ly» jáne Qazaqstan men Túrkııa arasyndaǵy Strategııalyq árip­tes­tik týraly shartty bekitýdi qarastyratyn zań jobalary bar. Ekonomıkalyq reforma jáne óńirlik damý komıteti keıbir zańnamalyq aktilerge turǵyn úı qatynastaryna qatysty túze­tý­ler engizýdi kózdeıtin zań jobasy ekinshi oqylymǵa daıyn ekenin málimdedi. Al Áleýmettik-mádenı damý komıteti «Neke (erli-zaı­yp­tylyq) jáne otbasy týraly» zań jobasyn úshinshi oqylymda kún tártibine engizýge daıyn ekenin habarlady. Sonymen qatar Úkimetten kelip túsken «Biryńǵaı ekonomı­ka­lyq keńistikke múshe memleketterdegi qyzmetter saýdasy jáne ınvestısııalar týraly kelisimdi ratıfıkasııalaý týraly», «О́ner­kásiptik sýbsıdııalardy be­rý­diń biryńǵaı qaǵıdalary tý­raly kelisimdi ratıfıkasııalaý týraly» zań jobalary boı­ynsha qory­tyn­dy ázirleý jó­nin­degi másele qaraldy. Bir­qatar zań jobalary boıynsha jumysty jalǵastyrý jóninde usynystar jasaldy. Bıýro otyrysynda Májilistiń zań shyǵarmashylyq isine qa­tys­ty basqa da máseleler qaraldy. «Egemen-aqparat».