О́nerkásip: Derek pen dáıek

Oblystyq statıstıka depar­ta­mentiniń derekteri boıynsha bıyl ónerkásip óndirisi kóleminiń ósimi – 6,5, bólshek taýar aına­ly­my – 10,3, negizgi kapıtalǵa sa­lyn­ǵan ınvestısııa – 34,3 paı­yz­dy quraǵan. Jalpy alańy 7857 sharshy metr turǵyn úı boı kótergen. Shaǵyn, qosalqy kásip­oryndardy, úı sharýashylyǵy sek­toryn qosa eseptegende óner­kásip salasy boıynsha 32 mıllıard teńgeniń ónimderi shyǵa­ryl­ǵan. Bul – ótken jylǵa qaraǵanda 6,5 paıyzǵa kóp. О́nerkásip óndirisi quryly­my­nyń 69,5 paıyzy óńdeý kásip­ornyna tıesili. Bul saladaǵy ón­dirilgen ónim kólemi 22,2 mıllıard teńge. Máshıne jasaý sala­syn­da da ilgerileýshilik baıqa­la­dy. Búginge deıin naqty kólem ındeksi 141 paıyzdy qurap, júk va­gon­darynyń óndirisi 4,9 paıyzǵa ósken. Al aýyl sharýashy­ly­ǵy­nyń jalpy ónim kólemi 17,7 mıllıard teńge bolǵan. Osy merzim ishinde negizgi kapıtalǵa 6,7 mıllıard teńge ınvestısııa quıylǵan.

О́mir ESQALI, Soltústik Qazaqstan oblysy.  

3 203 Bul – Mańǵystaý oblysy boıynsha 2011 jyly ashylatyn jańa jumys oryndarynyń sany. Qazaqstan Respýblıkasynda­ǵy údemeli ındýstrııalyq-ınno­va­sııalyq damý memlekettik baǵ­dar­lamasy aıasynda ótken jyly oblysta jańadan 1 193 jumys orny ashylyp, serpindi toǵyz joba júzege asyrylǵan-dy. Bıylǵy merekeli jyly ol jobalar qata­ry ósip, 12-ge jetkeli otyr. Olar­dyń jalpy smetalyq quny 82,2 mlrd. teńgeni quraıdy. Qar­jy­ny ıgerýge atsalysatyn azamattar úshin jańadan ashylatyn jumys oryndary sany 3 203-ke jetedi. Taǵy bir atap aıtarlyǵy – serpindi jobalar aımaǵymyzǵa ǵana emes, elimiz úshin erekshe mańyzǵa ıe. Jaqynda óńirlik úılestirý keńesinde atalmysh jobalar taǵy da bir pysyqtalyp, olardyń júzege asý barysy jiti nazarda bolatyndyǵy aıtyldy.

Jolaman BOShALAQ, Aqtaý.    

3 000 Oblystyq bilim berý basqarmasynyń málimetinshe, bıyl óńirde osynshama búldirshin balabaqsha tabaldyryǵyn attaıdy.  Bul  Elbasynyń tapsyrmasy boıynsha qabyldanǵan memlekettik «Balapan» baǵdarlamasyna saı qolǵa alynýda. Bul is kenshiler qalasy Ekibastuzda da jaqsy bastamamen  júrgizilýde. Búgingi kúni úıde  kezegin kútip otyrǵan kópte­gen búldirshinder jańadan ashyl­ǵan balabaqshalardan oryn alýda. Sóıtip, el táýelsizdiginiń 20 jyldyǵy merekesi qarsańynda oblysta jańa 19  balabaqsha jáne mektepter janynan 26 shaǵyn or­ta­lyq ashylatyn bolady. Elimizde ómirge kelgen «Balapan» baǵ­dar­lamasynyń shapaǵaty kenshiler qalasyna da jetti. Qalalyq oqý bóliminiń habarynsha, búgingi kúni kenshiler qalasynyń 88,8 paı­yzǵa jýyq búldirshin bala­baq­shaǵa barady.  Bul kúnderi jeke menshik ba­la­baqsha ashý, burynǵy ǵımarat­tar­dy qaıtaryp alý máseleleri  qarastyrylýda. Jalpy, kenshiler qalasynda 1 601 bala kezekte tur. Sondyqtan bıyl qalalyq ákimdik 330 oryndyq taǵy bir jańa balabaqsha men №35 mekteptiń janynan shaǵyn ortalyq ashýdy josparlaǵan.

Farıda BYQAI, Ekibastuz.