Uzyndyǵy 32 shaqyrym kóshe qazaqtyń tekti azamatynyń atymen atalady

Qalanyń qaqpasynan bastalyp, taý baýyrlaı sozylyp jatqan kó­she álemdegi eń uzyn kóshe retinde tanymal. Jáne 2005 jyldan uz­yn­dyǵy 32 shaqyrymnan asatyn kó­she­ge qazaqtyń tekti perzenti, belgili memleket jáne qoǵam qaı­rat­keri Dinmuhammed Ahmetuly Qo­na­evtyń atyndaǵy kóshe bolyp óz­gertilgenin shaharlyqtar maqta­nysh­­pen aıtady. Tekeliniń maqtanyshy bul dań­ǵyldyń dańqy Táýelsiz Memleketter Dostastyǵy jáne basqa alys-jaqyn shetelge tanys. Qalanyń ju­lyn omyrtqasyndaı bolǵan kó­she­de tirshiliktiń tamyry solqyl­daı so­ǵady. Munda qalanyń basty mekeme, kásiporyndary Dostyq, Ala­taý, Metallýrg jáne Gornıaskıı shaǵyn aýdandarynan quralsa, Tekeliniń ózi osy kósheniń boıynda. Uzyn kóshe «Green House – Jasyl úı» jylyjaı kesheninen bastalsa, odan ári «Sýffle Qa­zaqstan ashytqy zaýyty», «Alataý mramor» seriktestikteri, ishki ister bólimi, «Gelıos» janarmaı kesheni, ashyq basseın, kirpish zaýyty, kendi qaıta óńdeý kesheni, taǵysyn taǵy ekonomıkasy órlegen nysan­dar qatarymen jalǵasa beredi. Shahardy abattandyryp, ja­ryq­pen, gazben, jylýmen qamtama­syz etetin kásiporyndar da osy kóshede. Qora, Shaja, Tekeli ózen­deriniń Qaratalǵa quıar tusyndaǵy keremet kórinis sulýlyǵy tym áser­li. Jaýqazyn gúl, shyrsha men aqqaıyń onyń kórkine kórik qos­qan. Al kósheniń taýǵa kirigip ketken tusynda jas týrıster quzǵa ór­meleý jattyǵýlaryn ótkizip, jas­tyqtyń jalaýyn alaýlatady. Nebir tabıǵatqa saıahat, jas eko­logtar sherýi adam men tabıǵattyń tepe-teń­digin saqtaýdaǵy jyly júzdesýler­men ótetinin de kórip júrmiz. «Aýylyna qarap, azamatyn ta­ny» degen ǵoı. D.Qonaev kóshesiniń baıyrǵy turǵyny Hamza Júsipov kópti kórgen jan. Ol áńgimesinde halqymyzdyń birtýar azamatynyń esimimen atalatyn kóshede turǵa­nym men úshin úlken maqtanysh. Ol qala tarıhymen sabaqtas bol­ǵandyqtan jyl ótken saıyn qu­lashyn keńge jaıyp, qulpyryp keledi. Sondyq­tanda barshamyz onyń kórkeıýine, sáý­letine múmkindigin­she úles qo­syp kelemiz. Táýelsiz eldiń dańqyn asyratyn árbir qundylyqtyń qa­dir-qasıetin keler urpaqqa uǵyn­dyrý bizdiń mindetimiz, dep eń uz­yn kóshe tekelilik­terdiń ǵana emes, qa­zaq eliniń qundy, betke ustar baı­lyǵy ekendigin aıtady. Eldi mekendi qaq jarǵan kóshe dostyqtyń dánekerindeı kóp ult­tyń yntymaǵy men birligine arqaý bolyp, keń kósilip jatyr. Kún saı­yn ary-beri aǵylǵan jurtshylyq álemdegi eń uzyn kóshemen júrip ótetindikterin bile bermeıtini de bolar. Qarap turyp, qyzyǵasyń. Al, osy keń kósilgen dańǵylǵa hal­qy­myzdyń asqan súıispenshiligine bó­­lengen memleket qaıratkeriniń esi­mi berilýi tegin emes-aý degen oı keldi. Kúmisjan BAIJAN.