Jastar bilek biriktirdi

Básekege qabilettiliktiń baǵasy artqan tusta erkin elde ósip, táýel­sizdigimizben birge jas býynǵa ba­qyttyń dámin sezintýmen qatar jaýapkershilik júktegen de jón. Al­tyn asyqtaı uldarymyz ben ına­batty qyzdarymyz elimizdiń órken­dep, kórkeýine úlesterin qosýdy maqsat etýde. El múddesin asqaq ustaıtyn daryny men qarymy kelisken jastar Tekelide az emes. Tipti halyqtardyń úshten birin jastar quraıdy. Qaı iske jumylsa da, zamanaýı tyń bastama kóterip, ja­lyndy jiger tanytyp, keleshekke degen senimniń otyn laýlata túsedi. Memleket basshysy Nursultan Nazarbaev «Jas Otan» jastar qa­natynyń I sezinde jastar saıasa­ty­nyń asa mańyzdy mindeti tolymdy da básekege qabiletti tulǵany – «bolashaq qazaqstandyqty» tárbıe­leý qajettigin atap aıtqan bolatyn. Bul turǵyda «jasotandyqtar» bilim-bilikterin tájirıbemen toǵys­tyr­ǵan. Týǵan el, Otanǵa degen súıispenshilikpen sabaqtalǵan úles­terin qosýdy qatar ustanýda. Táý­elsizdik qurdastarynyń ózi at ja­lyn tartyp minip, jıyrmaǵa kelip jatqanda ultymyzdyń uıaty men ar-ojdany tekti urpaqtyń Otan al­dyndaǵy sheksiz jaýapkershilikti se­zinýi eń basty kúsh der edim. Bú­kil el qoldaý kórsetip, senim artyp otyrǵanda jastardyń aǵat basyp, salǵyrttyq tanytýyna jol joq ekeni de basy ashyq áńgime. Qazaqstannyń bolashaǵy búgingi jas urpaqtyń oıyna sińip, boıyna darıtyn tálim-tárbıege baılanys­ty. Tekelide memlekettik jastar saıa­satynyń izimen júzege asy­ryl­ǵan sharalardyń óz taǵylymy bar. Ishki saıasat, mádenıet jáne tilderdi damytý bólimi atqaratyn jumys­tar­dyń basym bóligi otanshyl rýh­ty, bilimdi, básekege qabiletti jas­tardyń azamat retinde qalypta­sýy­na oń yqpal etýge baǵyttalǵan. Dástúrli túrde ótkizilip júrgen jastar forýmy olardyń qoǵamdyq belsendiligin, eline, jerine degen súı­ispenshiligin, kóshbasshylyq qa­sıe­tin damytýymen birge qoǵamdyq saıası turaqtylyqty nasıhattaýǵa negizdelgen. Qaladaǵy jastardyń qa­rym-qa­biletin eki jyl qatarynan tanytqan «О́rkendeýdiń sara joly – yntymaq pen birlikte» jastar fo­rý­my men «Eldigimniń belgisi – memleketik rá­mizder» atty oblys­tyq festıval óskeleń býynnyń ónege alar, órisin keńeıter ashyq aıdynyna aınaldy. О́ńirlik memlekettik jastar saıa­satyn júzege asyrý maqsatynda tekelilik jastar arasynda Elbasy­nyń halyqqa Joldaýyn nasıhattaý sha­ra­lary, jastarǵa patrıottyq tárbıe berý baǵytynda «Joldaý rýhy – jastar júregine» aksııasy, etnos­aralyq kelisimdi nyǵaıtý boı­ynsha «Yntymaǵy jarasqan yrys­ty meken», «Qazaqstannyń álemdik órke­nı­ettegi bedeli men EQYU tór­aǵa­lyq etýdegi basty ustanym­dary» se­mı­narlary, ulttyq qundy­lyqtar men dástúrimizdi damytý, salamatty ómir saltyn nasıhattaýda «El úmitin er aqtar, el birligin er saqtar» pi­kir­talasy, Qazaqstan Respýblıka­sy­nyń Memlekettik rá­mizderin dárip­teý men nasıhattaýda «Eldigimizdiń tań­bala­ry – eń qa­sıetti maqtany­shy­myz» baıqaýy udaıy uıymdas­ty­rylyp, jastar pi­kir­lerin ortaǵa saldy. Memlekettik jastar saıasaty el­diń eń bir ózekti, strategııalyq qun­dylyǵy joǵary baǵyty bolsa, jastar máselesine aǵa býynnyń paıym-parasat bıiginen qaraǵany durys der edim. Jastardyń jan-jaqty da­mýynyń túrli jobalaryna qoldaý kórsetý nazardan tys qalǵan emes. Jastardyń qoǵamdyq belsendiligine túrtki bolatyn áleýmettik máse­lelerin sheshý, turǵyn úımen qamtý ómir talaby. Tekelide sońǵy jyl­dar­da páterge ıe bolǵan jas mamandar qatary óse túsken. Jumyspen qamtý jaǵdaıyna kóz júgirtsek, jas­tar tájirıbesimen byltyr 96, al jyl basynan beri 15 jas maman jumysqa kiristi. Qalamyzda ká­sip­tik turǵydan qaıta mamandanýǵa múmkindik óte úlken. Túrli sebeptermen oqýyn jalǵastyra alma­ǵan­dar da, jańa kásipke qyzyǵýshylyq tanytqandar da qaıta daıarlaý kýrstarynyń jemisin kórýde. Týǵan tabıǵatty aıalaýǵa baýlý­ǵa, týrızmniń qyr-syryn tanýǵa, jas­tardyń bos ýaqytyn tıimdi ót­kizýge qalalyq mádenıet úıiniń ja­nynda jumys isteıtin «Taý sama­ly», «Breık Dans», «Jas daryndar stýdııasy», «Shtýrm», «Taý mergeni» syndy úıirmelerdiń mańyzy zor. Munyń bári de jastardyń respýb­lıkalyq, oblystyq baıqaýlar men jarystarda bıik tuǵyrdy baǵyn­dyryp, júldeli oryndardy ıelenýine yqpal etýde. Otanshyl urpaq týǵan tabıǵatty da súıe bilýi kerek. «Jasyl el» baǵdarlamasyn júzege asyrý aıasynda «Jasyl jelek» eko­logııalyq senbiligi, «Jasyl eldiń bir kúni», «Jastar ıadrolyq qarý­syz bolashaq úshin» aksııalarymen birge Táýelsizdiktiń 20 jyldyǵyna oraı «Jasyl japyraq», «Táýelsiz­dikke tartý» aksııalary ótkizilip, qala jasyl jelekke orandy. «Ja­syl El» respýblıkalyq baǵdarla­ma­sy aıasynda jyl saıyn kásiptik lıseı oqýshylary men jumyssyz jastar qamtylyp, týǵan qalamyzdy kórkeıtý, abattandyrý jumys­tary­na atsalysýda. Maýsym qorytyn­dy­sy boıynsha qala ákimdigi «Eń úzdik jumys berýshi» nomınasııasy boıynsha respýblıkalyq «Jasyl El» shtabynyń dıplomymen, son­daı-aq Almaty oblysy ákiminiń alǵys hatymen marapattaldy. Jastyqtyń jalyndy kúshi al­maıtyn qamal joq desek onyń kó­zin ashýǵa biz de barlyq múmkindik bar ekenin maqtanyshpen aıtýǵa bolady. Nurjamal ShOHANOVA, Tekeli qalasy ishki saıasat, mádenıet jáne tilderdi damytý bóliminiń bastyǵy.