Kıiktiń kıesin kim oılaıdy?

Bas Prokýrordyń birinshi orynbasary Iogann Merkeldiń tóraǵalyǵymen ótken óńir­ara­lyq keńeste aqbóken­derdi zań­syz aýlaý jáne ony satýmen aı­nalysatyndarǵa qylmystyq jaýapkershilikti qataıtý kerektigi aıtyldy. Bóken atyp, múıizin shetke satatyndar zańnyń jum­saqtyǵynan taırańdap, basqa shy­ǵýǵa aınaldy. Qazir Qosta­naı qalasyndaǵy kez kelgen aıaldamada «Aqbóken múıizin satyp alamyn» degen habarlamalar ilý­li tur. Bókenniń izine túsken­derdiń bergen azyn-aýlaq tıyn-tebenine qyzyqqan aýyl turǵyn­dary tabıǵatty qorǵaý isinde turlaýsyzdyq tanytady. Olar brakonerlerge kıik jaıylatyn aımaqtyń jolyn kórsetedi. Mine, tek qolyna myltyq ustaǵan brakonerlerdi ǵana emes, olar­dyń paıdasyna janamalaı or­taqtasyp, kıiktiń qyrylýyna osy­laı «úles» qosatyndardy da jaýapkershilikke tartýdy qa­taıt­­­p­asa, keıingi urpaq kıikti sýretten qarap qalary ábden múm­­kin. Dala sulýyn qorǵap, onyń sanyn qalpyna keltirýde yn­tymaqtasa jumys isteý týraly Qazaqstan­men kelisimge kelgen kórshi Reseı men О́zbekstan aq­bókendi ózderi­niń «Qyzyl kita­by­na» engizdi. Olarda soǵan sáıkes kıiktiń baǵ­zy túrin saqtaýdyń túrli shara­lary jasalýda. Al mamandar Q­a­zaq­standa aqbókendi «Qyzyl ki­tapqa» engizýge ázirge sonsha­lyq­ty májbúrlik joq ekenin aıtady. Brakonerler qyryp ketken aqbóken óleksesi tabylǵan saıyn ol boıynsha qylmystyq is qoz­ǵalady. Biraq kináli adamnyń naq­ty anyqtalmaýyna baıla­nysty ol is qysqartylady. Bas Prokýrordan birinshi orynbasary Iogann Merkel Ishki ister mınıstrliginen brakonerlik faktilerin der kezinde anyqtaý jáne oladyń jolyn kesý, osy sanattaǵy qylmystyq isterdi ashý, tergeý sapasyn art­tyrý úshin pármendi sharalar qa­byldaýdy tapsyrdy. Tabıǵat­ty qorǵaý, ań­dar­dy zańsyz aý­laýǵa, brakonerlik jolmen qur­týǵa qarsy kúresti retteıtin barlyq zańna­malar jumys isteýi, qataı­tylýy kerek. Memlekettik organdar brakonerlikke qar­sy kú­resti kúsheıtýge baǵyttal­ǵan qyz­metterin úılestirilgende ǵa­na ortaq iste nátıje bolmaq. Názıra JÁRIMBETOVA, Qostanaı.