Tasbaqalardyń da týǵan jeri bar

Shyǵys Qazaqstan obly­syn­daǵy Borodýlıha aýdanyndaǵy «Aýyl» baqylaý beketinen 1410 tasbaqany kontrabandalyq jol­men Reseıge alyp ótpek bolǵan D. Ermekov degen bireý ustaldy. Ishki ister departamenti qyz­metkerleriniń tekserýi kezinde beıkúná jándikterdiń ıt arqasy qııanǵa Jambyl oblysynan jetkizilgeni anyqtalyp, Shyǵys Qa­zaq­stan oblysynyń «Jas Otan» jastar qanatynyń belsendi ókil­deri tasbaqalardy týǵan jeri – Jambyl óńirine jetkizýdi uıǵara­dy. О́ıtkeni jyly jaqta ómir sú­rýge daǵdylanǵan jándikter shy­ǵystyń qatal tabıǵaty jaǵda­ıyn­da mezgilsiz kóz jumýlary múmkin edi. Qaýip etkendeı, 430 tas­baqa jaısyz aýa raıyna shy­damapty, al qalǵan 988 tasbaqa jaqynda Jambyl oblysyna aman-esen jetkizildi. Sóıtip uzaq jol­dyń azabyn tartqan tasbaqalar Kódeli jaıylymy­na jiberildi. – Biz ózimizge tapsyrylǵan min­detti oryndap, tasbaqa­lar­dy jol-jónekeı jas náres­te­deı kúttik, – degen Shyǵys Qazaqstan oblystyq jastar jáne balalar uıymdary qaýym­das­tyǵy zańdy tulǵalar birles­tiginiń dırektory Olga Bob­ryshea. Tasbaqalar arqyly paıda tapqysy kelgen D. Ermekovtiń me­ken-jaıy týraly ázirge naqty derek joq. Shyǵys Qa­zaq­stan ob­lys­tyq IID málimeti boıynsha onyń jasy kámeletke tolmapty. Búginde tabıǵat qas­kóıin anyqtaý boıynsha qosym­sha tergeý-tekserý jumystary jalǵasýda. Kósemáli SÁTTIBAIULY, Jambyl oblysy.