Kelisim negizindegi kómek

Qazaqstan beıbitsúıgish memleket jáne halyq­aralyq qaýymdastyq pen Birikken Ulttar Uıymynyń tolyq­qandy múshesi retinde Aýǵanstandaǵy jaǵdaıdy tu­raq­tandyrýǵa belsendi qatysady, dep habarlady Qorǵanys mınıstrliginiń baspasóz qyzmeti. О́tken jylǵy qazan aıynda Qazaqstan Respýb­lı­kasy men Soltústik atlant uıymy (NATO) arasynda Aýǵanstannyń qaýipsizdigine kómek kórsetetin halyq­aralyq kúshter qyzmetine Qazaqstannyń qatysýy týraly kelisimge qol qoıylǵan bolatyn. Atalǵan kelisimniń maqsaty – Aýǵanstannyń qaýipsizdigine kómek kórsetetin Halyqaralyq kúshter shtaby qyz­metine Qazaqstan Respýblıkasy áskerı qyzmetshi­le­riniń qatysýy úshin quqyqtyq negiz jasaý. Osy qujatty negizge ala otyryp, Aýǵanstannyń qaý­ipsizdigine kómek kórsetetin halyqaralyq kúshter qura­my­na jaýyngerlik qımyldarǵa qatyspaıtyn qazaq­stan­dyq tórt áskerı qyzmetshini jiberýge sheshim qa­byl­dandy. Olar – úılestirý qyzmeti, aqpa­rat­tyq sa­rap­shy, tyldyq qamtamasyz etý, densaýlyq saqtaý jáne epı­de­mıo­logııa ofıserleri. Qazaqstan­dyq áskerı qyz­met­shi­lerdi qaýipsizdikke kómek kórse­tetin Halyqaralyq kúsh­ter shtabyna jiberý Aýǵan­stan ókimetine eldegi jaǵ­daı­dy turaqtandyrýǵa kómek kórsetýge múmkindik beredi.