Tereń tamyrly túsinistik rýhynda

Qazaqstan Parlamenti Májilisiniń Tóraǵasy Oral Mu­hamed­janov Cheshen Respýblıkasy men Ingýsh Respýblıka­sy­nyń parlamenttik delegasııasyn qabyldady, dep habarlady osy palatanyń baspasóz qyzmeti. Májilis Tóraǵasy sóz ba­syn­da Qazaqstan men Reseı ara­syn­daǵy qalyptasqan yntymaqtas­tyq baılanystyń nátıjesin bar­lyq saladan kórip otyrǵa­ny­myz­dy aıtty. 2010 jyly eki memleket arasyndaǵy saýda aınalymy 15 mlrd. dollardan asty. Ústi­mizdegi jyldyń birinshi toq­sa­nyn­daǵy nátıje boıynsha alys-beris 1,5 esege óskenin kóremiz. Úsh el: Qazaqstan, Belarýs jáne Reseı Keden odaǵyna birigip otyr. Keleshekte Biryńǵaı ekono­mı­kalyq keńistik qurǵaly tur­myz. Mundaı yqpaldastyq úlken jetistikterge jol ashatyny sóz­siz. Sonymen qatar, parlament­ara­lyq baılanys ta qarqyn ala túsýde. Qazaqstan Parlamenti Reseı Federasııasy Federaldy Jı­nalysy Federasııa Keńesimen jáne Memlekettik Dýmamen ózara tyǵyz baılanys ornatqan. TMD PAA, EQYU PAA, EýrAzEQ PAA, UQShU PA sheńberinde óte­tin is-sharalar negizinde yn­ty­maqtasa jumys istep keledi, dedi O.Muhamedjanov. Májilis Tóraǵasy Qazaqstan­nyń ishki jáne syrtqy saıasat­ta­ǵy ustanymdary týraly, eldiń ekonomıkalyq-áleýmettik damýy, údemeli ındýstrııalyq-ınnova­sııa­lyq baǵdarlamasynyń júzege asýy jóninde áńgimelep berdi. – Ústimizdegi jyly 28 aq­pan­da Cheshen Respýblıkasy prezıdentin saılaý ótip, onda Ramzan Qadyrov jeńiske jetti. Biz cheshen halqyn osy jeńispen qut­tyq­taımyz, – dedi Májilis Tór­aǵasy. – Biz Qazaqstan Prezıdenti Nursultan Nazarbaevtyń cheshen elinde úlken abyroıǵa ıe ekenin bilemiz. Bizdiń tarıhı baılanys­tarymyz tereńde jatyr. О́z kezeginde Cheshen Respýb­lı­kasy Parlamentiniń tóraǵasy, delegasııa jetekshisi Dýkývaha Abdýrahmanov sózin Qazaq eline degen izgi tilegin bildirýden bas­ta­dy. Qazaq halqynyń qıyn kún­der­de qol sozyp, shynaıy qam­qor­lyq jasaǵanyn cheshen halqy eshqashan umytpaıtynyn aıtty. Ramzan Qadyrovtyń atynan qazaq halqyna ystyq sálemin jetkizdi. Aıta ketý kerek, 2007 jyly Groz­nyı qalasynyń kórikti bir kóshesine Qazaqstan Respýb­lı­ka­synyń Prezıdenti Nursultan Nazarbaevtyń esimi berildi. Qa­zaqstan basshysynyń bastamasy­men Groznyı qalasynyń ortalyq alańynda kóp qabatty turǵyn úı salyndy. Ol resmı túrde «Qa­zaq-cheshen dostyǵy úıi» dep ata­lady. Alaıda, Dýkývaha Abdýrahmanov óz sózinde bul úıdi jergilikti turǵyndar «Qazaqtar úıi» dep qurmetpen ataıtynyn jetkizdi. Sonymen qatar, Cheshen eliniń bastamasymen Groznyı qalasyn­da­ǵy №1 lıseıge Qazaqstan Prezıdenti Nursultan Nazarbaevtyń esimi berildi. Atalǵan lıseı – respýblıkadaǵy tarıhy mol jáne óte tanymal bilim ordasy. Qa­zaqstan Prezıdenti atynan lıseıge «Ford» shaǵyn avtobýsy, qazirgi zamanǵy kompıýterlik sy­nyp jabdyqtary tabys etilgen. Májilis Tóraǵasy kezdesý so­ńynda Groznyı qalasyndaǵy Qazaq­stan Prezıdenti Nursultan Nazarbaev atyndaǵy №1 lıseıge sýretshi Ermekovtiń «Ile Ala­taýy» atty kartınasyn, Qazaq­stan jáne Memleket basshysy, eldiń jetistikteri týraly qundy kitaptardy tabys etýdi meı­mandarǵa amanattady.