«Kúshimiz – birlikte!»

IV respýblıkalyq patrıottar forýmy Qostanaıda osyndaı uranmen ótedi Qostanaıda  «Kúshimiz – birlikte!» degen  uranmen «Meniń Qa­zaqstanym!» atty IV res­pýb­lıkalyq patrıottar  forýmy bolady.  Oǵan eli­miz­diń barlyq óńirlerinen eki júzden asa qo­naqtar keledi. Forýmǵa  Memlekettik gerbtiń av­torlary  Jan­darbek Málibe­kov pen  Shota Ýálıhanov, Parlament  de­pý­tattary, Úkimettik emes uı­ymdar múshe­le­ri jáne  jas­tardyń arman beı­nesi Bekzat Sattarhanovtyń ata-ana­sy Seıilhan Sattar­han­uly men Syr­lykúl Shoıbekova sııaq­ty  bas­qa da  mártebeli, qur­­metti qo­naq­tar qa­tysady dep kútilýde. Eki kúnge sozylatyn  jıyn­nyń baǵdarlamasy da  baı. Forým bastalmaı turyp  Qosta­naı­ǵa Qazaqstannyń ózge oblys­ta­ry­nan jetken delegasııalar múshe­leri eki kún boıy  qalanyń kó­rik­ti jerleri men mýzeılerin ara­laı­dy. Jas urpaqqa patrıottyq, otan­súıgishtik tár­bıe berýde bas­ty kepildiń de, qu­raldyń da biri elimizdiń, hal­qymyzdyń tamyry tereńde jat­qan tarıhyn bilý ekeni belgili. Osy turǵydan alǵanda Qostanaı óńiri  elimiz tarıhy­nyń úlken bóligin quraıtyn ólke. Arydan qozǵasaq, Qostanaı-Tor­ǵaı aı­maǵy halqymyzǵa ári ba­tyr, ári mámileger Shaqshaq Já­nibekten bastap, álemdik ǵylym­da orny bar ǵalym Shoqan Ýálı­ha­novty, uly aǵartýshy Ybyraı Altyn­sarındi, Alash arystary Ahmet Baıtursynovty, Mirja­qyp Dý­latovty, Eldos Omarovty, qoǵam qaıratkeri Ilııas Oma­rov­ty,  Serke, Elýbaı, Qapan sııaq­ty qazaq teatr óneriniń alyp­taryn, taǵy basqa aqyn-jazýshylardy, kúmis kómeı ánshilerdi bergen  qu­narly topyraq. Qostanaı qo­naqtary  oblystyq tarıhı-ól­ke­taný jáne  Ybyraı Altyn­sa­rın­niń memo­rıaldyq mýzeılerinen, kórkem­sýret galereıa­sy­nan, qa­la­­daǵy orys-qazaq tea­trlary­nan  óńir­diń  tarıhy men búgingi máde­nıetine qanyǵady. Qostanaı – óndiristi jáne as­tyq­ty óńir. Onyń sapaly as­ty­ǵynyń dańqy bul kúnde Qa­zaq­stan­men qatar odan da syrt jerlerge belgili. Respýblıka boı­­­yn­sha  syrtqa shyǵaratyn as­­tyq pen unnyń basym bóligin Qostanaı beredi. О́tken jyly  údemeli ındýstrııalyq-ınnova­sııa­lyq baǵdar­la­ma sheńberinde  oblysta on joba iske qosyldy. Ekonomıka  damy­ǵanda áleýmet­tik salaǵa mol múm­kindikter ashylatyny anyq. Patrıottar forýmy  ult us­tazy, Alash ardaqtysy Ahmet Baıtursynovtyń  eskertkishine, Jeńis parkindegi  máńgilik otqa, 30-shy jyldarǵy saıası qýǵyn-súrgin qurbandaryna, Uly Otan soǵysynda qaza tapqandar jáne  ıadrolyq synaqtan zardap shekkenderge arnap qoıylǵan obelıskilerge gúl shoqtaryn qoıýmen bastalady. «Qostanaı oblystyq  jastary  Altyn kitabynyń» tu­saý­keseri de  kópshilikke osy forýmda usynylady. Aıta ketý kerek, oqý men eńbekte, ǵylymda, óner­de úzdik tabystarymen kó­rin­gen jastardyń esimin altyn áriptermen tirkep otyratyn mun­daı joba  tek Qostanaı obly­synda ǵana bastaý alǵan. Jastardyń Rýdnyı qalasyna sapary da kóńilderdegi  otan­súı­gishtik sezimdi baıyta túseri haq. Ken alyby kareriniń ózi adam qo­ly­men jasalǵan keremet bo­lyp ta­bylady. Qonaqtar kenshiler qala­syn­daǵy  balalar úıinde, túzetý mek­tebindegi sharalarǵa qa­tysady,  «Meniń bala­lyq sha­ǵym­nyń aspa­ny» fılmin tama­sha­laıdy. Forým sharalary es­tra­da juldyzdarynyń konsertimen  aıshyqtala túsetin bolady. Názıra JÁRIMBETOVA, Qostanaı.