Memleket basshysy Nursultan Nazarbaev «QazMunaıGaz» UK» AQ basqarma tóraǵasy Qaıyrgeldi Qabyldındi qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Q.Qabyldın Prezıdentke kompanııanyń 2010 jylǵy jumysynyń qorytyndylary týraly, 2011 jylǵa arnalǵan jospary jáne 2020 jylǵa deıingi damý keleshegi jaıly baıandap berdi.
– Kompanııa ótken jyly barlyq josparlanǵan óndiristik jáne qarjylyq kórsetkishterine qol jetkizdi. Táýelsizdik jyldary ishinde úsh otandyq zaýytta munaı óńdeý barynsha joǵary deńgeıge – 13,7 mıllıon tonnaǵa jetti. Kompanııanyń tabysy 2010 jyly 305 mıllıard teńgeni qurady, bul 2009 jylmen salystyrǵanda 2,5 ese artyq. Bıýdjetke 413 mıllıard teńge salyqtyq tólemder tólendi. Biz ulttyq kompanııa retinde áleýmettik jaýapkershilik aldyq. О́tken jyly bizdiń tarapymyzdan áleýmettik jobalardy damytýǵa 200 mıllıon AQSh dollary bólindi, – dep atap ótti Q.Qabyldın.