Astananyń abattandyrylýy ózge qalalarǵa úlgi bolýy tıis

Keshe Memleket basshysy Nursultan Nazarbaev elordada qurylys jumystary qarqyndy júrgizilip jatqan mádenı-rýhanı jáne halyqty sýmen qamtamasyz etýge arnalǵan birqatar nysandardy aralap kórdi. Halyqty sapaly aýyz sýmen qamtamasyz etý – HHI ǵasyrdyń mańyzdy máseleleri. Qazirgi kezde qala halqyn taza aýyz sýmen qamtamasyz etý oıdaǵydaı sheshilip jatyr. Bul baǵytta júzege asyrylǵan jumystar da jeterlik. Sonyń biri – Sorǵy-súzgi stansasy bolyp tabylady. Osy nysanǵa arnaıy atbasyn burǵan Elbasy onyń jumysymen tany­syp, atalǵan nysannyń Asta­na­ny taza aýyz sýmen qamtamasyz etý­de mańyzy erekshe ekenine basa mán berdi. Stansa basshy­lary­nyń habardar etkenindeı, bul nysan tolyq paıdalanýǵa berilgen kezde, onyń qýaty táýligine 200 myń tekshe metrden 300 myń tekshe metrge deıin artatyn bolady. Búginde «Astana sý arnasyna» qaraıtyn stansada úzdiksiz ju­mystar júrip jatyr. Sýdy tazalaý úderisteriniń barlyǵy halyq­aralyq standarttarǵa tolyq sáı­kes keledi. Sý hlorlanyp, koagýlıasııa jasalady, tundyrylyp ba­ryp súzgiden ótkiziledi. Sodan keıin tazartylǵan sý qaıtadan hlorlanady. Sý qubyry sýynyń sapasy óńdeýdiń barlyq kezeńde­rin­de únemi tekserilip otyrady. Al mıkrobıologııalyq kórset­kish­ter táýligine bir ret, orga­no­lep­tıkalyq (ıisi, túsi, laıly­ly­ǵy) táýligine 6-12 ret, qalǵan hlor saǵat saıyn anyqtalady. Sorǵy-súzgi stansasynda kún saıyn 800 hımııalyq, 100 bak­te­rıo­logııalyq taldaýlar jasala­dy. Stansa basshylary Prezıdentti qazirgi kezde aıaqtalǵan jumys túrlerinen de habardar etti. Búginde bul nysannyń 99 paıyzy daıyn, endi stansany iske qosý jumystary qolǵa aly­nyp jatyr. Memleket basshysy budan keıin «Jeruıyq» saıabaǵyna aıal­da­dy. Saıabaqtyń jalpy alańy 21 gektardy quraıdy. Saıabaqty abat­tandyrý 2007 jyldyń 1 shildesinde bastalǵan edi. Búginde onyń aýmaǵyndaǵy 95 myń shar­shy metr jerge shóp egilgen. Son­daı-aq saıabaqqa 400-den astam túrli aǵashtar otyrǵyzylǵan. Kópshi­lik­tiń demalýyna qajetti barlyq jaǵdaılar jasalǵan. Saıabaq as­ta­nalyqtar men elorda qonaqta­ry­nyń jıi keletin demalys or­nyna aınalyp keledi. Al Astananyń jańa ortaly­ǵyndaǵy Táýelsizdik jáne Baýyr­jan Momyshuly atyndaǵy kóshe­lerdiń qıylysynda qurylys ju­mystary qarqyndy júrgizilip jat­qan nysannyń elordanyń aja­ryna ajar qosatyn tamasha bir ǵımarat bolatyny qazirdiń ózinde baıqalyp tur. Bul – Oqýshylar shyǵarmashylyǵy saraıy. Elba­sy munda da birshama aıaldady. Ny­sannyń qurylysy Prezı­dent­tiń tapsyrmasymen ótken jyl­dyń jeltoqsanynda bastalǵan bolatyn. Qazirgi kezde qurylys jumystarynyń 40 paıyzdan as­tamy júzege asyrylypty. Qury­lys jumystaryn júrgizýshiler osynaý biregeı ǵımaratty ústi­mizdegi jyldyń jeltoqsanynda paıdalanýǵa berýdi josparlap otyr. Onyń jalpy aýmaǵy 8 gektardan asady. Elbasy Nursultan Nazarbaev, sondaı-aq Táýelsizdik saraıynyń mańyndaǵy jańa «Áziret Sul­tan» meshitiniń qurylysymen de ta­nysty. Meshit qurylysyn Túr­kııanyń «Sembol» kompanııasy júr­gizip jatyr. Bul ımandylyq úıi kelýshilerge esigin osy jyl­dyń aıaǵynda ashatyn bolady. Qu­ry­lys jumystarymen tanysqan Mem­leket basshysy osy jerde jýr­nalısterge shaǵyn suhbat berdi. Osy mańdaǵy boı kótergen nysandardyń barlyǵy jańa ǵı­ma­rattar, qala qurylysynyń aıaq­talý satysyna kirisip otyr­myz, dedi Prezıdent. Biz elordaǵa qa­jetti sport keshenderin, densaý­lyq saqtaý mekemeleriniń barly­ǵyn saldyq. Turǵyndardyń ba­ryp demalatyn oryndary da paı­dalanýǵa berildi. Oqý oryndary­nyń ǵımarattary da esikterin aıqara ashyp jatyr. Endi máde­nıet oryndaryn salý jumys­ta­ry qolǵa alynýda. Al irgesi qa­lanǵan osy meshit bizdiń dinge degen syı-qurmetimiz bolyp taby­lady. Aldaǵy ýaqytta Astanada qajetti barlyq rýhanı-mádenı oryndar boı kóteretin bolady. Memleket basshysy Sorǵy-súzgi stansasynyń elordalyqtar úshin erekshe mańyzdy ekendigine de toqtaldy. Elbasynyń atap ótkenindeı, qalany taza aýyz sýmen, jylýmen qamtamasyz etý máselesi sheshilip jatyr. Endi astanalyqtar eń taza aýyz sýdy tutynatyn bolady, dedi Prezıdent osy týraly. Bul kózge kó­rinbeıtin másele bolǵanymen, taza aýyz sýsyz qalanyń da, qala turǵyndarynyń da jaǵdaıy bol­maıdy. Sonymen qatar, elordada saıa­baqtar men kógaldandyrý ju­mystary turaqty júrgizile beredi. Astana «Adam – Tabıǵat» degen ıdeologııamen salynǵan bola­tyn. Sol ıdeıamyz búginde oıda­ǵydaı júzege asyrylý ústinde. Elbasy, sondaı-aq Jeńis dań­ǵylynda júrgizilip jatqan kúr­deli jóndeý jumystarynyń jáne qalanyń ońtústik jaǵynda­ǵy N.Tilendıev dańǵyly boıyn­daǵy turǵyn-jaı alabynyń ın­fraqu­ry­lymymen de tanysty. Elor­da­daǵy nysandardy aralaý kezinde Memleket basshysymen Astana qalasynyń ákimi Iman­ǵalı Tasmaǵambetov birge júrdi. Álısultan QULANBAI, Sýretti túsirgender S.BONDARENKO, B.OTARBAEV.