Memlekettik belgilerge qurmet qalyptastyrý aýqymdy jumystar júrgizýdi talap etedi

«Qazaqstan Respýblıkasy­nyń Memlekettik rámizderi tý­ra­ly» Konstıtýsııalyq zańyn, 2007 jylǵy 2 qazandaǵy «Qa­zaq­stan Respýblıkasynyń Memlekettik Týyn, Eltańbasyn, Án­ura­nyn ornalastyrý erejelerin bekitý týraly» Úkimet qaýlysyn júzege asyrý maqsatynda aýdanda memlekettik rámizderdi nasıhattaý jumystary júıeli júr­gizilýde. Halyq arasynda memlekettik rámizderdi nasıhattaý boı­ynsha is-sharalar aýdan ákim­digi, bilim berý mekemeleri, quqyq qorǵaý organdary, shekara ás­ker­leri bólimderi jáne barlyq memlekettik mekemeler men kásip­oryndar arqyly júzege asady. Aýdan ákimdigi janynan «Memlekettik rámizder jónindegi aýdandyq komıssııa» qurylyp, aýdandyq ishki saıasat bólimi resmı ǵımarattarda, mekemeler men uıymdarda memlekettik tý men eltańbanyń ýaqtyly jańar­ty­lyp, talapqa saı mazmunda bo­lýyn udaıy qadaǵalap otyrady. Aýdan kóleminde memlekettik rámizderdi ýaqytynda aýysty­rý­ǵa baılanysty birneshe márte qa­tynas hattar jiberilip, túsi­nik­teme jumystary júrgizildi. Memlekettik rámizder daıyn­daı­tyn lısenzııaly kásiporyn­dar týraly baǵasy kórsetilgen ma­ǵlumattar qosymsha tara­tyldy. Búgingi tańda aýdanda memlekettik rámizder ornalasýy tıis 107 mekeme bar bolsa, onyń 27-si aýyldyq ákimdikter, 59-y bilim ordalary, qalǵandaryn memlekettik mekemeler quraıdy. Memlekettik rámizderimizge ár bilim mekemesiniń dálizinen, ta­rıh, alǵashqy áskerı daıyn­dyq, pán kabınetteri men kitaphanalardan oryn berilgen. Jas urpaqty patrıotızmge baýlý jo­lynda Qazaqstan Respýblıkasy memlekettik rámizderiniń maǵy­na­syn, mańyzdylyǵyn oqýshy boıyna sińirý tárbıe bastaýy bolyp tabylady. Mektepterde (59 mektep bar) ár aptanyń dúı­senbisi kúnderi tańerteń oqýshy­lar lıneıkaǵa turǵyzylyp, memlekettik ánuran oryndalyp, so­ńy­nan saıası habarlamalar ótip turady. О́tken oqý jylynda aýdan mektepterinde memlekettik rámizderge baılanysty 120 ta­qy­ryptyq tárbıe saǵattary ót­kizilse, 30-dan asa dóńgelek ús­telder uıymdastyrylǵan. Mektepishilik mańyzdy is-sharalar mindetti túrde ánurannyń oryn­dalýymen ashylady. Memlekettik rámizderdiń zańǵa sáıkes or­nalasyp, turǵyndar arasynda qur­met qalyptastyrý maqs­a­tyn­da aýdandyq ishki saıasat bóli­mi­niń mamandary men aýdan ákimi janyndaǵy Memlekettik rámiz­der jónindegi komıssııa múshe­lerinen qurylǵan top aýdandaǵy barlyq memlekettik mekemelerge, bıýdjettik uıymdarǵa jáne aýyldyq ákimdikterge memlekettik rámizderdiń Qazaqstan Res­pýb­lıkasynyń Zańyna sáıkes­tigin tekserý úshin birneshe ret reıdter júrgizip shyqty. Aýdan kóleminde atqarylyp otyrǵan is-sharalardyń basty maqsaty – aýdan turǵyndary, ási­rese, óskeleń urpaq boıynda Otanǵa, týǵan elge, ósken jerge degen súıispenshilikti nyǵaıtý. Osy maqsatta eń birinshi kezektegi jumystar táýelsiz elimizdiń basty belgileri – memlekettik rámizderimiz – memlekettik Tý, Ánuran, Eltańbamyzdy qurmet­teý­ge, qadirleýge, qasterleýge ba­ǵyttalǵan. «Bul – bizdiń Án­uran!», «Bul – bizdiń Týymyz!», «Bul – bizdiń Eltańbamyz!», «Bizdiń Otanymyz – Qazaqstan!» jáne «Aıbyndy, aıdyndy, aı­shyq­ty Ata Zań» atty jastar aksııasyn ótkizý jyl saıynǵy dástúrge aınalǵan. Sonymen qatar, jýyrda jas­tardy salamatty ómir saltyna tárbıeleý maqsatynda ári memlekettik rámizderdi tereńirek tú­sindirý úshin Taskesken aýy­lyn­da baıqaý ótkizildi. Oǵan qatys­qan mektepterdiń ishinen birinshi oryndy Aqtamberdi atyndaǵy, ekinshi oryndy Tursabekov atyn­daǵy orta mektepter jeńip al­sa, úshinshi oryndy №18 ká­siptik mektep oqýshylary ıelendi. Mine, osyndaı ıgi ister aldaǵy ýaqytta da jalǵasyn taba bermek. Beısenǵazy ULYQBEK. Shyǵys Qazaqstan oblysy, Úrjar aýdany.