Úmitkerler irikteldi

Jaqynda Bilim jáne ǵylym mınıstri Baqytjan Jumaǵulov­tyń tóraǵalyǵymen Nazarbaev stıpendııasyn taǵaıyndaý jónin­degi  konkýrstyq komıssııasynyń otyrysy ótti. Bul qarjylaı qoldaý Ulttyq ǵylym akademııasynyń tolyq músheleriniń ómirlik aı saıynǵy stıpendııasy esebinen qalyptas­tyrylyp kele jatqany belgili. Ol 6 aılyq eseptik kórsetkish kólemindegi on stıpendııa mól­sherinde belgilengeni málim. Al Elbasy stıpendııasyn ıemdengen magıstranttarǵa keletin bolsaq, olarǵa tıesili qarjy 48 myń teńgeni quraıdy. Bilim men ǵylymdy damytý isindegi jáne jastardyń yqyl­asyn arttyrý maqsatyndaǵy bul ıgilikti qadam joǵary oqý oryn­darynyń ekinshi kýrsynan bastap kúndizgi bóliminiń bar­lyq oqý kezeńinde úlgerimi úz­dik baǵaǵa ıe, ǵylymı-zertteý jumysymen aı­na­lysatyn, qo­ǵam­dyq jumys­tar­ǵa belsene ara­lasatyn ma­gıstrant­tarǵa da ta­ǵaıyndala­ty­nyn aıta ketsek deımiz. Stıpendııany taǵaıyndaý ere­jelerine sáıkes ulttyq jo­ǵary oqý oryndary ǵylymı ke­ńesiniń sheshimimen 2011-2012 oqý jy­lynda Nazarbaev stıpen­dııasyn taǵaıyndaý konkýrsyna 19 úmit­ker usynylǵan eken. Solardyń arasynda konkýrstyq komıssııa úlgerimi úzdik, ǵyly­mı eńbekteri talapqa saı, oqý oryndarynyń tirlik-tynysyna belsendi ara­lasqan 10 úmitkerdi iriktep alǵan. Súleımen MÁMET.